“Монгол инженер-2024” CAD/CAE/CAM улсын олимпиад Нийслэл хотноо “Оюутан”, “Инженер техникийн ажилтан”, “Инженерийн шилдэг шийдэл” сэдвийн хүрээнд зохион байгуулагдлаа. Инженер техникийн ажилтнууд, их, дээд сургуулиуд болон оюутнуудын дунд зохион байгуулсан “Монгол инженер-2024” улсын олимпиадын ганцаарчилсан төрөлд хувийн амжилтаар Засвар, механикийн заводын ажилтан Е.Жүзжасар тэргүүн байр эзлэв. Мөн “Инженерийн шилдэг шийдэл” төрөлд Эрдэнэт үйлдвэрийн Засвар, механикийн заводын баг тэргүүн байр эзэлж цом, өргөмжлөл, мөнгөн шагнал хүртлээ. Инженерийн шилдэг шийдэл номинацид 8 байгууллага оролцож ур ухаан, мэдлэг чадвараа сорин өрсөлдсөнөөс ЗМЗ-ын инженерүүдийн зохион бүтээсэн “Bobcat тракторыг цас мөс, цэвэрлэх төхөөрөмжөөр тоноглох нь” төсөл шалгарсан байна. Оюутны төрөлд 16 их, дээд сургуулийн 69 оюутан, Инженер техникийн ажилтны төрөлд 16 баг, ганцаарчилсан төрөлд 25 байгууллагын 56 инженер техникийн ажилтан оролцож мэргэжлийн ур чадвар, авьяас билгээ сорин өрсөлджээ. Энэхүү CAD/CAE/CAM улсын олимпиадыг “Шинжидай металл” ХХК, “Major Drilling Mongolia LLC”, “Монгол базальт” ХК, “Майнспек” ХХК, Ур чадвар үйлдвэрлэлийн холбоо, “ЧПМ “ХХК, “Дархангеомаш” ХХК, “Эс Эл Эс Беарингс Монголиа”, “Маррий Майнинг Сервисес ХХК, “Зэт Эм И” ХХК, “Чиглэл” ХХК “Монторх” ХХК, “Моншибасаки” ХХК ивээн тэтгэсэн бол Нийслэлийн захирагчийн алба, Нийслэлийн боловсролын газар, “Эрдэнэт үйлдвэр” ТӨҮГ, Оюу толгой ХХК, “Санко Тех Монголиа” ХХК зэрэг нийт 17 Аж ахуйн нэгж болон төрийн байгууллагууд хамтран зохион байгуулсан байна.
Нар минутад мандаж минутад жаргана.
Үс засуулвал: 
Суудал: 
