Татварын Ерөнхий газар жил бүр тэмдэглэн өнгөрүүлдэг татвар төлөгчдийн үйл ажиллагааг 25 дахь жилдээ “Хариуцлагатай татвар төлөгч” уриан дор тэмдэглэж, 2023 онд хамгийн их татвар төлсөн шилдэг 10 аж ахуйн нэгжид өргөмжлөл өнөөдөр гардууллаа.
Татварын хууль тогтоомжийг даган мөрдөж, татвараа үнэн зөв тодорхойлж тайлагнан, хуульд заасан хугацаанд татвараа төлж Монголын татварын албаны бизнес үнэлгээгээр "А" үнэлэгдсэн, татвар төлөгчийн бүртгэл, тайлан, татвар төлөлт, эрсдэлийн үнэлгээ, хяналт шалгалт, цахим төлбөрийн баримтын гомдол зөрчилгүй байх гэсэн үндсэн шалгуур үзүүлэлтээр шилдэг татвар төлөгчдийг шалгаруулахад Эрдэнэс Таван толгой ХК тэргүүлж, “Эрдэнэт үйлдвэр” ТӨҮГ хоёрт эрэмбэлэгдсэн байна. Харин Оюу толгой ХХК, Энержиресурс ХХК, Хүрэн толгой коал майнинг ХХК, Монголын алт МАК ХХК, АПУ ХК, Хаан банк ХК, Өсөх зоос ХК, Таван толгой ХК хамгийн их татвар төлсөн шилдэг 10-т багтжээ.
Эрдэнэт үйлдвэр өнгөрсөн онд 39.6 сая тонн хүдэр олборлон, 37.2 сая тонн хүдэр боловсруулж, дөрвөн их наяд гаруй төгрөгийн борлуулалт хийж, 2 их наяд төгрөгийн татвар, хураамжийг улс, орон нутгийн төсөвт төвлөрүүлсэн байна. Үүнээс Орхон аймгийн төсөвт 81,6 тэрбум, Булган аймгийн төсөвт 32,1 тэрбум төгрөг төвлөрүүлжээ. Эдгээр үзүүлэлт нь Эрдэнэт үйлдвэрийн 45 жилийн түүхэн дэх дээд амжилт юм.
Нар минутад мандаж минутад жаргана.
Үс засуулвал: 
Суудал: 
