Засвар, механикийн заводын инженерүүд улсын уралдаанд тэргүүн байр эзэлсэн тухай сайхан мэдээллийг тус заводын дарга Б.Баасансүрэн шуурхай зөвлөгөөнд танилцууллаа. Өнгөрсөн сарын 26-нд Улаанбаатар хотноо зохион байгуулагдсан Монгол инженер улсын уралдаанд Засвар, механикийн заводын инженерүүдийн баг амжилттай оролцож, “Инженерийн шилдэг шийдэл” бүтээлээр тэргүүн байр эзэлсэн байна. Уралдаанд нийт 66 байгууллагын 66 инженер оролцсон бөгөөд ганцаарчилсан төрөлд мөн тус заводын инженерүүд шалгарчээ.
Тээвэр, ложистикийн төвийн “Нээлттэй хаалга”-ны өдрүүд өнөөдөр эхэлж, 5 өдөр үргэлжилнэ. Төв агуулахад 3 ба түүнээс жилээс дээш хугацаагаар агуулахад 3-аас дээш жил хадгалагдаж буй бараа, материалын үлдэгдлийг бууруулах чиглэлээр тус үйл ажиллагааг зохион байгуулж байгаа бөгөөд энэ үеэр тухайн барааг зөвхөн захиалсан цехээс гадна бусад цех, хэсгүүдэд худалдаалж борлуулах юм байна. Өөрөөр хэлбэл, үйлдвэрийн дотоод бүтцийн нэгжүүд хариуцсан мастер, инженер бусад ажилтнууд өөр өөрийн цехэд шаардлагатай байгаа бараа, материалаас худалдан авах боломжийг нээж өгсөн гэдгийг төвийн дарга Х.Олзбаатар онцлов. Энэ өдрүүдэд тус төвийн агуулахад хадгалагдаж буй 2089 нэр төрлийн 28.6 тэрбум төгрөгийн өртөг бүхий үлдэгдэл бараа материалыг цехүүдийн хэрэгцээнд зориулан борлуулах ажээ.
Энэ жилийн “Их зогсолт”-ын бэлтгэл хангах ажил үргэлжилж байна. Өнгөрсөн долоо хоногт тус ажлын хэсэг хуралдаж, энэ үеэр хийгдэх ажлын төлөвлөгөөг эцсийн байдлаар гаргаж, батлуулсан байна. Техник, тоног төхөөрөмжийн бэлэн байдлын ажлууд төлөвлөгөөний дагуу хийгдэж, ажлын хэсгийнхэн сэлбэг бараа материалын худалдан авах ажиллагаа, хангамж нийлүүлэлтэд онцгой анхаарч буйг Механикийн хэлтсийн дарга Б.Чинзориг мэдээлэв. Одоогийн байдлаар, сэлбэг материалын нийлүүлэлт худалдан авах ажил 46 хувийн гүйцэтгэлтэй байгаа аж. Үлдсэн хангамж нийлүүлэлтийн тендерийг ирэх долоо хоногийн ажлын хэсгийн ээлжит хурлын өмнө бүрэн зарлаж, дуусгасан байхаар төлөвлөж байгаа юм байна.
Нар минутад мандаж минутад жаргана.
Үс засуулвал: 
Суудал: 
