Жилийн өмнө эхэлсэн Эрдэнэт үйлдвэрийн Дулааны цахилгаан станцын зуухны автоматжуулалтын шинэчлэлийн ажил өчигдөр дуусаж, үйлдвэрийн газрын комисс хүлээн авлаа.
2008 онд М-Си-Эс Электроникс компани Эрдэнэт үйлдвэрт зуухны автоматжуулалтыг SEIMENS фирмийн хяналтын систем дээр анх хийсэн нь тухайн үедээ техникийн дэвшил байв. 15 жил үүргээ гүйцэтгэсэн хяналтын системийн техник, хяналт, удирдлагын дэлгэц хуучирснаас Дулааны цахилгаан станцын зуухны автомат удирдлагын систем доголдох эрсдэл үүссэн тул зуухны автоматжуулалтыг бүрэн шинэчлэхээр шийдвэрлэсэн юм.
Орчин үеийн дэвшилтэт технологи бүхий хяналт, удирдлагын систем нь өмнөхөөсөө 20 дахин илүү хурдаар мэдээлэл дамжуулах, аль нэг зууханд асуудал үүссэн тохиолдолд трубины ачааллыг нэг секундэд удирдах нөхцөл бүрджээ. Мөн трубин болон зуухны хэсгийн хяналт, удирдлага нэгдсэн системд шилжсэн нь дэвшил юм. Ингэснээр зуухнуудын найдварт ажиллагаа сайжирч, цахилгаан, дулаан үйлдвэрлэл тасалдахгүй байх нөхцөл бүрдлээ.
Нар минутад мандаж минутад жаргана.
Үс засуулвал: 
Суудал: 
