Нийгмийн цехүүд “Соёлтой харилцаа-Чанартай үйлчилгээ” уриан дор олон талт үйл ажиллагаа зохион байгуулж байна. Энэ ажлын хүрээнд Эрдэнэт үйлдвэрийн Оёдлын цех “Чанарыг эрхэмлэе” сарын аян зарласан. Аяны хугацаанд Засвар, механикийн завод, Дулааны цахилгаан станц, үйлдвэрийн Захиргааны нэг, гуравдугаар байранд ажлын хувцас, хамгаалах хэрэгслийн үзэсгэлэн гаргаж, эмэгтэй ажилтны шинэ загварын хослол хувцас танилцуулав.
Мөн ажлын хувцас засварын үйлчилгээг үзүүлэн, хувцас хамгаалах хэрэгсэлтэй холбоотой санал асуулга авч ажиллалаа. Түүнчлэн, дөрвөн байршилд таван өдөр ажиллаж 256 хүний ажлын байран дээр 500 хувцасны засвар үйлчилгээ үзүүлсэн нь ажилтнуудаас өндөр үнэлэлт авчээ.
Хувцасны шинэ загварын талаар Оёдлын цехийн технологич, загвар зохион бүтээгч Э.Оюун-Эрдэнээс тодруулахад, “Шинэ загварын хувцас нь өмд цамцны хослол. Үндсэн өнгө нь хар хөх, цамцны 3/1 хэсэг нь улбар шар оруулгатай, хиртэж бохирдох нь бага, полиэстер холиотой материал тул эдэлгээ даах чадвар сайтай, ажилтнуудын хэрэгцээ шаардлагыг хангасан, том ил халааснуудтай, монгол хүний биеийн онцлогт тохирсон өмсгөл суулттай хослол байгаа. Энэ загварын хувцас хэрэглэгчийн шаардлагад нийцэж, ажилтнууд таатайгаар хүлээн авсан тул дараа сараас үйлдвэрлэлд оруулах болсон. Ажилтнууд хувцасны өмсгөл, таарамж, материалын чанарыг сайжруулах, хийц загварыг өөрчлөх, хувцас олголтод анхаарах, засварын үйлчилгээг тогтмол явуулах, өмд болон цамцны халаасыг том хийх, хавар, намар өмсөх бомбер, жилетийг хувцасны нормд оруулах гэх мэт олон санал санаачилга гаргасан. Тэгэхээр ажилтнууд биеийнхээ хэмжээ болон өндөртөө тохируулан хувцсаа сонгох шаардлагатай. Мөн ажлын өмд болон флисэн цамцны үлгэр загварыг өөрчлөх, хувцасны халаасны багтаамжийг томсгох шаардлагатай нь ажиглагдсан. Үүний дагуу ажлын хувцасны халааснуудыг томсгох, өмд болон флисэн цамцны үлгэр загварыг өөрчилж суулт тохироо сайтай болгох ажлыг нэн даруй хийнэ” гэв.
Нар минутад мандаж минутад жаргана.
Үс засуулвал: 
Суудал: 
