“Сэлэнгэ” амралт, аялал жуулчлалын цогцолбор дотоодын аялал жуулчлалыг хөгжүүлэх зорилгоор “Сайн байна уу, Эрдэнэт” сэдэвт өдрийн болон нэг хоногийн аяллын хөтөлбөр хэрэгжүүлж байна.
Тус цогцолбор “Соёлтой харилцаа-Чанартай үйлчилгээ” уриан дор үйл ажиллагаагаа явуулж байгаа бөгөөд Улаанбаатар хотын 51-р сургууль, Орхон аймгийн “Билигт Өргөө” сургууль, Хэнтий аймгийн “Тэмүүжин” цогцолборын нийт 97 сурагч нэг өдрийн аяллын хөтөлбөрт хамрагджээ.
Сурагчид Улаанбаатар-Эрдэнэтийн чиглэлийн галт тэрэгний аялал, Эрдэнэт хотын Бурхан багшийн сэрэг дүр үзэх, Эрдэнэт үйлдвэрийн дижитал музей, Автотээврийн цехийн хүнд даацын БелАЗ, Ил уурхайн тэсэлгээ үзсэн байна. Мөн үзэсгэлэнт “Сэлэнгэ” амралтын баазын нарсан ой, тохилог орчин, амтат хоол, урлаг, спортын тэмцээн уралдаан үзэж, цанын баазын үйл ажиллагаатай танилцжээ.
Нэг өдрийн аяллын хөтөлбөр хэрэгжиж байна
Б.Баттөгс
Зурагчин
Энэ мэдээ танд ямар санагдав?
0
1
0
0
0