Эрдэнэт үйлдвэрийн Аж ахуй, үйлчилгээний цехийн хамт олон хаврын цагт их хэмжээгээр орсон цасыг модны усалгаанд ашиглах зорилгоор ногоон байгууламжийн бут сөөг, моддын хаяаг хучиж манах ажлыг гүйцэтгэжээ. Мөн шар усны үерээс урьдчилан сэргийлэх зорилгоор Ерөнхий захиргааны I, II, III, ТЦУХ байрын зам талбай, суваг шуудууны хог хаягдыг цэвэрлэж, цас мөсийг арилгаж, хаврын ажлаа эхлүүлжээ. Түүнээс гадна Ерөнхий захиргааны II байр орчимоос гарсан 200 шуудай өнжмөл өвс, навчисыг бордоо болгон ашиглахаар “Ногоон хөгжил” төслийн нэгжид хүлээлгэн өглөө. Мөн хоёрдогч түүхий эд болох 127 кг хуванцар сав, 13 кг гялгар уутыг дахин боловсруулах хаягдал хүлээн авах төвд тушааж, 431 га талбайд их цэвэрлэгээ хийж нийт 101м3 хаягдлыг хогийн цэг рүү ачуулсан байна.
Тус цехийн ажилчид ойрын өдрүүдэд Ерөнхий захиргааны II байрны гаднах 25 улиасны мөчрийг тайрж, урин цагт хөвөн хаяхаас урьдчилан сэргийллээ. Мөн Ерөнхий захиргааны байруудын агуулахад принтерийн хорны хаягдлыг цуглуулан хадгалж, дараагийн шатанд хүлээлгэн өгөхөөр бэлтгэж байгаа бөгөөд 96 кг хаягдал цаасыг дахин боловсруулах хаягдал хүлээн авах төвд тушаажээ.
Аж ахуй, үйлчилгээний цех Хамтын ажиллагаа, нийгмийн харилцааны бодлогын газрын даргын баталсан удирдамжийн дагуу энэ сарын 19-ний өдрийн 15.00-18.00 цагт Эрдэнэт үйлдвэрийн бүтцийн бүх нэгжийн ажилчдыг хамруулсан нийтийн их цэвэрлэгээг зохион байгуулах бэлтгэл ханган ажиллаж байна гэж тус цехийн мастер Д.Амаржаргал мэдээллээ.
Нар минутад мандаж минутад жаргана.
Үс засуулвал: 
Суудал: 
