“Сэтгэл зүй, бие бялдрын хөгжил, ажил амьдралын үндэс” аян зохион байгуулж байна

Баяжуулах үйлдвэрийн ажилтнуудын сэтгэл зүй болон бие бялдрыг хөгжүүлэх сургалт, идэвхжүүлэлтийн үйл ажиллагааг зохион байгуулж, эрүүл амьдралын зөв дадлыг хэвшүүлэх, эрүүл мэндийг дэмжих орчин бүрдүүлж, хөдөлмөрийн бүтээмжтэй эрүүл мэндээ эрхэмлэгч хамт олон байх зорилгоор 04дүгээр сарын 01-ны өдрөөс 12 дугаар сарын 15-ны өдрийг хүртэл  “Сэтгэл зүй, бие бялдрын хөгжил, ажил амьдралын үндэс” аян зохион байгуулан ажиллаж байна.
Аяны хүрээнд таргалалт, илүүдэл жинг бууруулах зорилгоор “Хамт хасъя-2”, зүрх судасны өвчлөлөөс урьдчилан сэргийлэх зорилгоор “Зүрхээ хайрлая”,  ажилтнуудад хорт зуршлаас татгалзаж, тамхинаас гарахыг дэмжих орчин бүрдүүлэхээр “ Хорт зуршлаас татгалзъя”, “Эрүүл мэндийг дэмжигч хэсэг” шалгаруулах,  Ажил амьдралын тэнцвэр” идэвхжүүлэлтийн  үйл ажиллагааг тус тус хэрэгжүүлэн  ажиллаж байна.
Тус ажлын хүрээнд  Бүсийн оношилгоо эмчилгээний төвийн андрологийн их эмч Ариунболдтой хамтран “Эрчүүдийн дунд зонхилон тохиолдох өвчнүүдийн шинж тэмдэг, эмчилгээ” сэдвээр сургалт зохион байгуулсан ба  95 эрэгтэй ажилтан хамрагдаж Эрүүл мэндийн мэдлэгээ дээшлүүллээ.