Хүний хөгжлийн цогц хөтөлбөрийн нэг “Манлайлал, авьяас чадвар”-ын хөтөлбөрийн оролцогчид манлайллын ур чадвар сэдвээр мэдлэгээ нэмж байна. Эрдэнэт үйлдвэрийн одоогийн болон ирээдүйн ажиллах хүчний хэрэгцээг хангах, удирдах ажилтнуудын ажлын бүтээмж, манлайллыг дээшлүүлэн бодлого, үйл ажиллагааны үр дүнг нэмэгдүүлэх, үр ашигт голлох нөлөө үзүүлэх чиглэлээс ажилтнуудыг сонгон тэдгээрийн авьяас чадварыг нээн илрүүлж хөгжүүлэх, ментор харилцаа карьер менежментийг хөгжүүлэн түлхүүр ажилтнуудыг бэлтгэх зорилготой “Манлайлал, авьяас чадвар”-ын хөтөлбөр 2024 оны ажлаа ийнхүү ур чадварт суралцаж хөгжих чиглэлээр эхлэв.
Сургалтыг Удирдлагын академийн багш, доктор дэд профессор Д.Сүрэнчимэг, П.Бямбасүрэн, Э.Ариунаа, Ч.Эрдэнэчимэг нар удирдаж, “Эерэг хандлага төрүүлэх нь, манлайлагчийн EQ”, “Хамтран ажиллахын утга учир”, “Ёс зүйг дээдлэн үлгэрлэн манлайлах арга, хэлбэр” зэрэг олон илтгэл тавьж, бодит туршлагуудаас хуваалцлаа.
Манлайлагчийн ур чадварын сургалт хөтөлбөрийн оролцогчдод баг хамт олныг манлайлан удирдахад багт гүйцэтгэдэг үүргээ таньж мэдэн өөрийгөө хөгжүүлэх чиглэлээ тодорхойлох, нөлөөлөх чадвараа дасгал дадлагын ажлын тусламжтайгаар олж харах, EQ чадвараа хөгжүүлэх арга барилд суралцах, манлайллын зэвсгээ тодорхойлж, бусдыг таньж амжилттай харилцааг бий болгох ур чадварыг эзэмшүүлэхэд чиглэсэн байна. Түүнчлэн систем ба системийн сэтгэлгээний онцлогийг онолын хувьд танин мэдэх , ёс зүйг дээдэлсэн байгууллагын соёлыг төлөвшүүлэхэд анхаарах асуудал, үлгэрлэн манлайлах арга, хэлбэрийг судлах зэрэг ур чадварт суралцуулж, өөрийгөө хөгжүүлэх, бусдад эерэгээр нөлөөлөх, удирдан манлайлах арга барил эзэмшүүлэхийг зорьж буй аж.
Манлайлагчийн ур чадварт тус хөтөлбөрийн 65 оролцогч суралцаж байна.
Нар минутад мандаж минутад жаргана.
Үс засуулвал: 
Суудал: 
