“Эрдэнэт цогцолбор” дээд сургуулийн дэргэдэх Коосэн Технологийн Коллежийн хөтөлбөрийн Япон хэлний дугуйлангаас "ХАВРЫН БАЯР"-ыг тэмдэглэж, Япон хэл, соёл сурталчилж байна. Энэхүү үйл ажиллагаа долоо хоног үргэлжлэх бөгөөд “Эрдэнэт цогцолбор” дээд сургуулийн багш ажилтан, оюутан суралцагчдад япон хэл, соёл танилцуулах, Коосэн Технологийн Коллежийн хөтөлбөрийг сурталчлах, тус коллежийн оюутнуудын мэдлэг, ур чадварыг сорих, гадаад хэл сурах идэвх сонирхлыг төрүүлэх, хамтдаа хөгжих арга барилд сургах зорилготой аж.
Эхний өдөр Япон соёл болох кимоно, ногоон цай, бийрэн бичлэг танилцуулсан юм. Түүнчлэн тус коллежийн оюутнуудын бүтээсэн цамхагт краны макет, шингэний системээр ажиллах экскаватор, зайрмагны иш ашиглан бүтээсэн автомат гүүр зэрэг бүтээлийн үзэсгэлэн гаргалаа. Мөн “Эрдэнэт цогцолбор” дээд сургуулийн оюутнуудын дунд “Япон орныг хэн сайн мэдэх вэ” асуулт хариултын АХА тэмцээн зохион байгуулав. Мөн тус коллежийн оюутнууд Эрдэнэт үйлдвэрийн үйл ажиллагаатай танилцлаа.
“Эрдэнэт цогцолбор” дээд сургууль 2023-2024 оны хичээлийн жилд Япон улсын Коосэн загварын инженер, технологийн сургалтын хөтөлбөрийг цахилгааны инженер, химийн инженерчлэл, механикийн инженерчлэл” мэргэжлээр хэрэгжүүлж, анхны оюутнууд нэгдүгээр курсээ удахгүй төгсөх юм.
Нар минутад мандаж минутад жаргана.
Үс засуулвал: 
Суудал: 
