“Миний мэдэх Эрдэнэт үйлдвэр” эссэ бичлэг, “Эрдэнэт үйлдвэр миний нүдээр...” гар зургийн уралдааны шилдгүүд шагналаа гардлаа

Улс, эх орны хөгжилд Монгол Улсын баатар Эрдэнэт үйлдвэрийн оруулж буй хувь нэмэр, нийгмийн хариуцлагын хүрээнд хэрэгжүүлж буй ажил үйлс, уурхайчин хамт олны хөдөлмөр, бүтээлийн үр шимийг олон нийтэд сурталчлах, хүүхэд, залуусын бүтээлч сэтгэлгээг дэмжих зорилгоор 15-35 насны хүүхэд залуусын дунд зарласан “Миний мэдэх Эрдэнэт үйлдвэр” эссэ бичлэг, цэцэрлэгийн багачууд, ЕБС-ийн бага, дунд ангийн сурагчдын дунд зарласан “Эрдэнэт үйлдвэр миний нүдээр…” гар зургийн уралдааны шилдгүүд өнөөдөр тодорч, шагналаа гардлаа. 

Шагнал гардуулах үйл ажиллагааг нээж, Хамтын ажиллагаа, нийгмийн харилцааны газрын дарга Ц.Бат-Энх үг хэлэхдээ, Монгол Улсын төсвийн 20 орчим хувийг дангаараа бүрдүүлж буй Үндэсний үйлдвэрийн тухай хүүхэд залуусын мэдлэг мэдээллийг бататгах, тэлэх зорилгоор эссэ бичлэг, гар зургаан уралдаан зарласан. Эрдэнэт үйлдвэрийн талаар орчин үеийн хүүхэд багачууд, оюутан залуус хэрхэн харж, дүгнэж дүрсэлдгийг, ирээдүйг хэрхэн төсөөлдгийг мэдэрч, олон нийтэд хүргэхийг зорилоо. Уралдаанд бүтээлээ ирүүлсэн хүүхэд залуус Эрдэнэт үйлдвэрийн амжилт, бахархал, үнэт зүйл бүхнийг бичвэртээ, зурагтаа багтаасныг харж сэтгэл их хөдөллөө хэмээн онцлов. 
Эссэ бичлэгийн уралдаанд Улаанбаатар, Орхон, Булган, Хөвсгөл, Өвөрхангай, Баянхонгор, ОХУ-аас нийт 66 бүтээл ирснээс оюутан залуусын ангилалд Эрдэнэт үйлдвэрээс хэрэгжүүлж буй “Эко-400” төслийн нярав М.Ууган-Эрдэнэ түрүүлж, “Эрдэнэт цогцолбор” дээд сургуулийн захиргааны хэсгийн дадлагажигч П.Ганзаяа дэд байр, Монгол-Германы хамтарсан ашигт малтмал, технологийн их сургуулийн Хүрээлэн буй орчны инженерийн 4-р курсийн оюутан П.Халиунзул гуравдугаар байр, МУИС-ийн оюутан Э.Амгаланжаргал тусгай байр эзэлж, өргөмжлөл, мөнгөн шагнал хүртлээ. Харин ЕБС-ийн ахлах ангийн сурагчдын ангилалд Эрдэнэт хотын Орос 19-р сургуулийн 12а ангийн сурагч А.Тэмүүлэн тэргүүн байрт шалгарч, 1-р сургуулийн 12а ангийн сурагч Г.Үлэмж дэд байр, Орос 19-р сургуулийн 12а ангийн сурагч А.Анар-Эрдэнэ гуртгаар байр, 19-р сургуулийн 12а ангийн сурагч Б.Санчир тусгай байрын өргөмжлөл, мөнгөн шагнал, “Найрамдлын Эрдэнэс” хүүхдийн зусланд амрах эрхийн бичиг гардсан юм. 
“Эрдэнэт үйлдвэр миний нүдээр…” гар зургийн уралдаанд 300 гаруй бүтээл ирснээс цэцэрлэгийн насны ангилалд Орхон аймгийн 9-р цэцэрлэгийн Б.Энгүүн тэргүүлж, “Дэгдээхэй үрс” цэцэрлэгийн Т.Ялгуунзаяа хоёрдугаар байр, 12-р цэцэрлэгийн А.Ачуухай, гуравдугаар байр, 27-р цэцэрлэгийн М.Маралмаа тусгай байр эзэллээ. Харин ЕБС-ийн бага ангийн сурагчдын төрөлд Б.Хулангоо түрүүлж, “Эрдмийн сан” сургуулийн 4а ангийн сурагч С.Сэцэнбилэг, 84-р сургуулийн 5б ангийн сурагч Т.Хатанзаяа, 6-р сургуулийн 3б ангийн сурагч А.Энхнаран нар удаалав. Дунд ангийн сурагчдын ангилалын тэргүүн байрт “Эрдмийн сан” сургуулийн 9а ангийн сурагч Д.Бат-Ирээдүйн зураг шалгарч, 4-р сургуулийн 7в ангийн сурагч У.Үжин дэд байр, 1-р сургуулийн 9а ангийн сурагч М.Билэгт гуравдугаар байр, 4-р сургуулийн 8е ангийн сурагч М.Саранжаргал тусгай байрын шагнал, “Найрамдлын Эрдэнэс” хүүхдийн зусланд амрах эрхийн бичиг гардлаа.