Баяжуулах үйлдвэрийн удирдах ажилтнуудын ажлын ачаалал, чөлөөт цагийг тэнцвэржүүлэх, харилцан суралцах нөхцөлийг бүрдүүлэх, мэдлэг чадварыг дээшлүүлэх, дасгал хөдөлгөөнөөр чийрэгжүүлэх зорилгоор “Ажил, амьдралын тэнцвэр” идэвхжүүлэлтийн үйл ажиллагааг Хүний нөөцийн товчооноос өрнүүлэн зохион байгуулж байна. Идэвхжүүлэлтийн энэхүү үйл ажиллагаанд Баяжуулах үйлдвэрийн захиргааны ажилтнууд болон хэсгийн дарга нар оролцож, дартас, бадминтон, корнхолл, усан поло, “Аав, ээж, би” гэр бүлийн тэмцээн, асуулт хариултын “АХА” танин мэдэхүйн болон ажлын байрны “Тайсо” дасгал, “Төрийн дуулал”, “Уурхайчин би...”, “Баяжуулагчдын сүлд дуу”-г хэн сайн дуулах вэ? уралдаанд хурд хүч, ур чадвар, авьяасаа сорих юм.
“Ажил амьдралын тэнцвэр” идэвхжүүлэлтийн аяны хүрээнд саяхан “Хайр түгээе” үйл ажиллагааг “Сэлэнгэ” амралтын баазад зохион байгууллаа. Тэд “тайсо” дасгалаар өглөөг эхлүүлж, “Эрүүл агаар эрч хүч нэмнэ” уриан дор эрүүл мэндийн алхалт хийж, “Хайрлахуй, хүндлэхүй, удирдахуй” сургалтад хамрагдав. Мөн энэ үеэр бадминтоны тэмцээн болж, П.Мягмарсүрэн ахлагчтай “Эвт” баг түрүүлсэн юм.
Баяжуулах үйлдвэрийн удирдлагын багийн ажилтнуудыг идэвхжүүлэлтийн үйл ажиллагаанд хамруулахдаа ажлын байран дээр нь цайны цагаар, амралтын өдрөөр гэр бүлээр нь оролцуулахаар төлөвлөсөн нь онцлог гэж тус цехийн Хүний нөөцийн товчооны дарга Т.Тунгалагтамир ярилаа. Халуун дулаан уур амьсгал бүрдүүлэх, хайр, хүндлэл, хариуцлага бий болгох идэвхжүүлэлтийн энэхүү үйл ажиллагаа бүтэн жилийн турш үргэлжлэх юм.
Нар минутад мандаж минутад жаргана.
Үс засуулвал: 
Суудал: 
