Баяжуулах үйлдвэр 2024 онд “Хайр, хүндлэл, хариуцлага-Амжилтын үндэс” уриа дэвшүүлэн ажиллаж буй. Энэ хүрээнд Хүний нөөцийн болон Хөдөлмөрийн аюулгүй байдал, эрүүл ахуйн товчоотой хамтран 3-р сарын 26-нд сургалт явуулж, мэдээлэл өглөө.
Энэхүү үйл ажиллагаанд хэсэг, товчоодын дарга, ажилтнуудын төлөөлөл оролцлоо. Сургалтын үеэр ХАБЭА-н товчооны дарга Д.Бат-Эрдэнэ “Ажлын байранд хайр, хүндлэлтэй харилцах соёлыг бий болгоё”, Хүний нөөцийн товчооны Тэргүүлэх мэргэжилтэн Т.Тунгалагтамир энэ чиглэлээр 2023 онд хийсэн тайлан, 2024 онд хийж хэрэгжүүлэх ажлын төлөвлөгөөг танилцууллаа.
Түүнчлэн, “Эрдэнэт” сувиллын цогцолборын дотоод шүүрэл судлалын их эмч Х.Хулан “Баяжуулах үйлдвэрийн ажилтнуудын эрүүл мэндийг дэмжих чиглэлээр хийж хэрэгжүүлэх ажил”, “Эрдэнэт” сувиллын цогцолборын Түргэн тусламжийн тасгийн эрхлэгч Ц.Батаа “Сэтгэцийн эрүүл мэнд” сэдвээр яриа таниулга хийж, харилцан яриа өрнүүллээ. Баяжуулах үйлдвэр энэ онд Нийгмийн харилцааны газрын бүтцийн нэгжүүдтэй нягт хамтран ажиллаж, сургалт сурталчилгаа, соёл, спортын олон талт үйл ажиллагаа явуулахаар төлөвлөжээ.
Нар минутад мандаж минутад жаргана.
Үс засуулвал: 
Суудал: 
