“Эрдэнэт үйлдвэр” ТӨҮГ-ын Ил уурхайн гадаад цахилгаан хангамжийг өргөтгөх төслийн ажил 2019 оноос эхэлсэн. Өнгөрсөн хугацаанд дэлхий нийтэд тархсан Ковид-19 цар тахлын үеийн нөхцөл байдлаас шалтгаалан энэхүү ажил удааширсан ч гүйцэтгэгч “Энх Өглөө” компани 2020 оны 10-р сард “Овоот-1” дэд станцыг ашиглалтад оруулсан юм.
Ингэснээр, Ил уурхайн гадаад цахилгаан хангамж өмнө нь 35 кВ-ын нэг хэлхээ шугамтай байсан бол хоёр хэлхээ шугамтай болж, цахилгаан хангамжийн найдварт ажиллагаа хоёр дахин дээшилсэн. Харин энэ сарын 22-ны өдөр “Овоот-2” дэд станц дээр Улсын комисс ажилласнаар Ил уурхайн гадаад цахилгаан хангамжийг сайжруулах төслийн ажил 100 хувь амжилттай дууслаа. Уурхай хүрээгээ тэлэхэд зөөж тээвэрлэх боломжтой, дулааны алдагдал багатай, хяналт удирдлагын болон хамгаалалтын систем нь ухаалаг “Овоот-1, 2” дэд станц ашиглалтад орсноор Ил уурхайд Мөчлөгт урсгалт тээврийн технологи нэвтрүүлэх нөхцөл бүрдэж байна. Ухаалаг дэд станцыг Эрдэнэт үйлдвэр ийнхүү анх ашиглалтад оруулснаар Ил уурхай ойрын 20 жилд цахилгаан хангамжийн найдварт ажиллагаа бүрэн хангагдсаныг Эрчим хүчний хэлтсийн цахилгааны Тэргүүлэх инженер Д.Энхтөгс онцолсон юм.
Нар минутад мандаж минутад жаргана.
Үс засуулвал: 
Суудал: 
