Монгол Улсын Оюуны өмчийн газрын Ахлах шинжээч нар анх удаа Эрдэнэт үйлдвэрт ажиллаж, инженер техникийн ажилтнууд болон холбогдох мэргэжилтнүүдэд оюуны өмчийн тусгай сургалт зохион байгуулж байна.
Шинжээч нар “Аж үйлдвэрийн өмч ба патентын мэдээллийн сан”, Дэлхийн оюуны өмчийн байгууллагын Технологи ба Инновацыг дэмжих төвийн хөтөлбөр, Монгол Улс дахь ТИСК хөтөлбөрийн хэрэгжилт, үйл ажиллагааны цаашдын хандлага”, Патентын мэдээллийн тухай, олон улсын ангилал, зохион бүтээлтэд ашиглах арга зүй” сэдвээр хоёр өдрийн сургалт явуулж, патентын мэдээлэлд хайлт хийх дадлага хийх юм.
Ингэснээр Эрдэнэт үйлдвэрт оюуны өмчийн тусгай мэдлэгтэй мэргэжилтнүүд бэлтгэгдэж, Технологи инновацыг дэмжих төвүүдийн сүлжээний эрхийг Эрдэнэт үйлдвэрийн захиргааны нэгж болох Стратеги, хөгжлийн бодлогын газар авах боломж бүрдэнэ гэж Инновац, оюуны өмч хариуцсан мэргэжилтэн Д.Энхтунгалаг ярилаа.
“Эрдэнэт үйлдвэр” ТӨҮГ 2015 оноос Оюуны өмчийн бодлого, түүнийг хэрэгжүүлэх журмуудыг хэрэгжүүлэн ажилласнаар тус үйлдвэрийн санхүүжилтээр бүтээгдсэн нийт 20 бүтээлд оюуны өмчийн эрхийн хамгаалалт хийгдээд байна.
Нар минутад мандаж минутад жаргана.
Үс засуулвал: 
Суудал: 
