Ил уурхайн Эмэгтэйчүүдийн зөвлөлөөс жил бүрийн Олон Улсын Эмэгтэйчүүдийн эрхийг хамгаалах өдрийг “Уурхайчин эмэгтэйчүүд хамтдаа хөгжинө” уриан дор тэмдэглэн өнгөрүүлдэг уламжлалтай. Энэ оны тухайд цехийн Захиргаа, Үйлдвэрчний эвлэлийн хороо хамтран баярын үйл ажиллагааг амжилттай зохион байгууллаа.
Соёл урлагийн цогцолборын “Охинтойгоо болзъё” өдөрлөгт тус цехийн 9-14 насны охидтой 8 уурхайчин бүсгүй оролцож, гар урлалын бүтээл урлан, охинтойгоо захидал солилцож, нэгэн өдрийг дурсамж дүүрэн өнгөрүүлэв. Мөн цехдээ олон жил үр бүтээлтэй ажилласан уурхайчин бүсгүйчүүдийг “Эрдэнэт” дуу бүжгийн чуулгын “Энхрийхэн” хүндэтгэлийн тоглолтод урилгаар оролцуулан, баяр дээр нь баяр нэмлээ.
Тус цехийн эмэгтэйчүүдийн баярын үйл ажиллагааг “Сэлэнгэ” амралтын баазад “Хүний эрх ба жендер” сэдэвт илтгэл, хэлэлцүүлгээр эхлүүлж, спорт өдөрлөгөөр хурд, хүч, авхаалж самбаагаа сорин, урлагийн авьяасаар өөр хоорондоо өрсөлдлөө. Эмэгтэйчүүдэд зориулсан олон талт хөтөлбөр, үйл ажиллагааг зохион байгуулдаг тус цехийн хамт олон бүсгүйчүүдээ эрч хүчээр “цэнэглэж”, урам зориг өглөө.
Нар минутад мандаж минутад жаргана.
Үс засуулвал: 
Суудал: 
