“Эрдэнэт үйлдвэр” ТӨҮГ-ын удирдах ажилтнуудын ээлжит шуурхай зөвлөгөөн өнөөдөр боллоо. Энэ үеэр Ерөнхий инженер Т.Батмөнх Булган, Орхон аймгийн ИТХ-аар шинэ Хаягдлын аж ахуй байгуулах газрыг улсын тусгай хэрэгцээнд авах асуудлыг дэмжиж шийдвэрлэснийг мэдээллээ. Ирэх лхагва гарагт Засгийн газрын хуралдаанаар энэхүү асуудлыг хэлэлцэхээр төлөвлөгджээ. Шинэ Хаягдлын аж ахуйн газрын асуудал эцэслэн шийдэгдсэнээр Эрдэнэт үйлдвэрийн тасралтгүй хэвийн үйл ажиллагаа хангагдах нөхцөл бүрдэж байгаа юм. Иймээс шинэ Хаягдлын аж ахуй байгуулах төлөвлөгөө, худалдан авах ажиллагаа, үүнтэй холбоотой асуудлуудыг цаг алдалгүй шийдвэрлэх хэрэгтэйг анхаарууллаа. Мөн Үйлдвэрлэл, технологийн парк, шинээр баригдах Зэсийн баяжмал хайлуулах, боловсруулах үйлдвэртэй холбоотой ажлын төлөвлөгөөг тодорхой болгож, ажлыг эрчимжүүлэхийг холбогдох газар, хэлтэс, нэгжүүдэд үүрэг болгов.
Баяжуулах үйлдвэрт хүдэр боловсруулах хүчин чадлыг хоёр сая тонноор нэмэгдүүлэх Өөрөө нунтаглах хэсгийн өргөтгөл дахин ашиглалтад орно. Энэ үед хүдрийн дутагдалд орохгүйн тулд хүнд даацын автомашины асуудлыг шуурхай шийдвэрлэх шаардлагатайг сануулсан. Тус цехэд технологийн шинэчлэлийн ажил тасралтгүй үргэлжилж байна. Шүүн хатаах хэсэгт молибдены даралтат шүүлтүүр солих ажил ид явагдаж байгаа бөгөөд одоогоор суурийн металл хийцлэлийн ажил бүрэн дууссан, үндсэн тоног төхөөрөмжийн угсралт эхэлж байгааг мэдээллээ.
Ус хангамжийн цехийн шугам хоолойн засварчин Э.Хүдэрбат Монгол Улсын хэмжээнд зохион байгуулагдсан ажил мэргэжлийн уралдаанд нэгдүгээр байр эзэлснийг цехийн дарга нь мэдээлээд, Эрдэнэт үйлдвэрт хэрэгжиж буй чадамжийн стандарт, хүнээ хөгжүүлэх талаар авч хэрэгжүүлж буй үйл ажиллагааны үр дүн хэмээн Хүний нөөц, захиргааны хэлтсийнхэнд талархал илэрхийлсэн.
Ган бөөрөнцгийн цехэд өнөөдрийн байдлаар 40-ын голчтой ган бөөрөнцөг 37 хоногийн нөөцтэй, 80-ын голчтой “шаар” 225 хоногийн нөөцтэй, бэлдэц 1600 тонн байна. Нөөц өндөр байгаатай холбогдуулан Эрдэнэт үйлдвэрээс чанарын баталгаатай 40, 80-ын голчтой, цувимал ган бөөрөнцөг авах боломжтой, мөн Судалгаа, шинжилгээний хүрээлэн, Зураг төслийн хүрээлэн, “Эрдэнэт цогцолбор” дээд сургуультай сургалт, судалгааны чиглэлээр хамтран ажиллах бүрэн боломж байгаа тухай саналыг Ерөнхий захирал Г.Ёндон “Эрдэнэс Монгол” нэгдлийн Гүйцэтгэх захирлуудын хуралд танилцуулжээ.
Нар минутад мандаж минутад жаргана.
Үс засуулвал: 
Суудал: 
