Чанарын хяналтын хэлтсийн хамт олон “Олон улсын эмэгтэйчүүдийн эрхийг хамгаалах өдөр”-ийг тохиолдуулан, “Монгол цэргийн өдөр”-ийг угтсан “Бөртэ чоно, Гуа марал” хүндэтгэлийн үйл ажиллагаа зохион байгууллаа. Тус үйл ажиллагааны хүрээнд “Эмэгтэй хүн бүр үзэсгэлэнтэй сугалаа”, “Инээдээ халдаая”, “Хөгжилтэй буухиа”, “Мартагдашгүй Март - Эр цэргийн босоо цагаан хийморь”, “Урам хайрлая” бэлэг солилцох ажиллагааг зохион байгууллаа.
Энэ үеэр тус хэлтсийн “Алдар эх” одонтой ээжүүдээ алдаршуулсан юм. Тухайлбал, олон хүүхэд төрүүлж өсгөсөн “Одонтой ээж” чанар шалгагч О.Жаргал, Б.Нандинцэцэг, Ө.Түмэндэлгэр, химийн шинжилгээний лаборант Д.Содцэцэг, Х.Буянзаяа, Б.Алтанзул, Б.Лхагвабаяр, Ц.Ганцэцэг, электроник инженер А.Мөнгөнсар, КИПА слесарь Н.Отгонсүрэн, Г.Халиунаа, химич инженер М.Жанбота нарыг хамт олон дундаа хүндэтгэн алдаршуулж, гарын бэлэг гардуулжээ.
Мөн Чанарын хяналтын хэлтсийн хамт олон “Олон улсын эмэгтэйчүүдийн эрхийг хамгаалах өдөр”-ийг тохиолдуулан Бүсийн оношилгоо эмчилгээний төвийн төрөх тасагт энэ өдрүүдэд шинээр төрсөн ээжүүд болон баяр, амралтын өдрүүдэд ажиллаж буй эмч, эмнэлгийн ажилтнуудад сэтгэлийн бэлэг барилаа.
03 дугаарын сарын 08, 09-ний өдрүүдэд Бүсийн оношилгоо эмчилгээний төвийн төрөх тасагт төрсөн 20 ээжид гарын бэлэг гардуулж, үр хүүхэд нь сайн хүн болохыг хүсэн ерөөжээ. Мөн энэ үеэр ажил үүргээ гүйцэтгэж байсан эмч, эмнэлгийн ажилтнуудад сарнай цэцгийн баглаа мэндчилгээний хамт бэлэглэн урам хайрласан байна.
Нар минутад мандаж минутад жаргана.
Үс засуулвал: 
Суудал: 
