Монгол Улсын эрдэс баялгийн салбарт онцгой хувь нэмэр оруулсан Австрали Монголын Эрдэс баялгийн салбарын хамтын ажиллагааны хөтөлбөр (AMEP) 9 жилийн хугацаанд 54 төсөл амжилттай хэрэгжүүлжээ. Тухайлбал, хоёр орны эрдэс баялгийн салбарын хамтын ажиллагаа, Монгол Улсын уул уурхайн салбарын чадавхыг дээшлүүлэх, хууль, эрх зүйн орчныг боловсронгуй болгох, олон улсад өрсөлдөх чадварыг өсгөх, Үндэсний геологийн алба байгуулах эрх зүй зэрэг олон төслийг хэрэгжүүлсэн юм. “Эрдэнэт үйлдвэр” ТӨҮГ-ын Ерөнхий геологич Д.Алтанхуяг, Архивын дарга Б.Одонтуяа нар АМЕП хөтөлбөрөөр зочлон төслийн цуврал аргачилсан зөвлөмжийн талаар санал солилцлоо. Хөтөлбөрийн багийн ахлагч хатагтай Рена Гүэндүэз АМЕП хөтөлбөрөөс нийтлэн гаргасан гарын авлага, ном товхимол, аргачилсан зөвлөмж зэргийг хэвлэмэл болон цаасан хэлбэрээр хүлээлгэн өгсөн юм.
АМЕП хөтөлбөрийн боловсруулсан бүхий л тайлан материал нь олон нийтэд нээлттэй үлдэж байгаа бөгөөд “Эрдэнэт Үйлдвэр” ТӨҮГ-ын хамт олны ажилд тус нэмэр болно гэдэгт итгэлтэй буйгаа хөтөлбөрийн багийн ахлагч хатагтай Рена Гүэндүэз тодотгосон. “Эрдэнэт үйлдвэр” ТӨҮГ-ын Ерөнхий геологич Д.Алтанхуяг Үндэсний геологийн алба байгуулах эрх зүй, Олон улсын ижил төстэй байгуулагын үйл ажиллагааны бүтэц, үндсэн чиглэлийн туршлага, АМНАТ, Аргачилсан зөвлөмжүүд гээд олон төслийг маш амжилттай хэрэгжүүлсэнд талархал илэрхийлээд Геологи, уул уурхайн салбарын эрх зүйн орчныг боловсронгуй болгох, олон нийтэд нээлттэй, ил тод байх боломжийг бүрдүүлэх чиглэлд томоохон хувь нэмэр оруулсныг онцолсон.
Энэхүү уулзалтаар дамжуулан зөвхөн хөтөлбөрийн мэдлэг мэдээллийг хуваалцсанаас гадна хариуцлагатай уул уурхай болоод цаашдын тогтвортой хөгжлийг эрэлхийлж буйгаа талууд илэрхийллээ.
Нар минутад мандаж минутад жаргана.
Үс засуулвал: 
Суудал: 
