Эрдэнэт үйлдвэрийн “Сэлэнгэ” амралт, аялал жуулчлалын цогцолбор 2022 оноос Уурхай дагасан хот, Улсын баатар Эрдэнэт үйлдвэртэй танилцах “Сайн байна уу, Эрдэнэт” аялал зохион байгуулж эхэлсэн.
Энэ жилээс аяллын хөтөлбөрөө өргөжүүлж, сурагчдад зориулсан нэг өдрийн болон нэг хоногийн аяллыг зохион байгуулж байна. Энэхүү аялалд ихэвчлэн төгсөх ангийн сурагчид оролцохоор захиалга өгч байна гэж тус цогцолборын Маркетинг, үйлчилгээний албаны мэргэжилтэн Н.Эрдэмсайхан ярилаа.
Сурагчдын нэг хоногийн аяллын хөтөлбөрт Нийслэлийн “Jargalant scool”, “Green scool” сургуулийн 50 гаруй суралцагч хамрагдаж амарчээ. Харин дөрвөн шөнө, гурван өдрийн “Сайн байна уу, Эрдэнэт” аяллаар мөн Улаанбаатар хотоос хувь хүмүүс, найз нөхөд, байгууллага хамт олноороо ирэх нь нэмэгдэж байна.
Уг хөтөлбөрт Улаанбаатар-Эрдэнэтийн чиглэлийн галт тэрэгний аялал, “Москва Петушки” ресторанд өглөөний цайнд тухлах, Эрдэнэт хотын Бурхан багшийн сэрэг дүр, Эрдэнэт үйлдвэрийн дижитал музей, Автотээврийн цехийн хүнд даацын БелАЗ, Ил уурхайн тэсэлгээ үзэх, Баяжуулах үйлдвэрийн Нунтаглах баяжуулах хэсгийн үйлдвэрлэлтэй газар дээр нь танилцах зэрэг багтаж байна. Мөн үзэсгэлэнт “Сэлэнгэ” амралтын баазад нарсан ой, тохилог орчин, амтат хоол, спорт, урлагийн тэмцээн уралдаан, цанын бааз, явган аялал гээд аялагчид хүссэнээрээ амрах нөхцөл боломжийг бүрэн бүрдүүлсэн байна. Түүнээс гадна Монголд анх байгуулагдсан Ойн генетик нөөцийн төв, “Эрдэнэт хивс”-ээр зочлох боломжтой ажээ.
Нар минутад мандаж минутад жаргана.
Үс засуулвал: 
Суудал: 
