Өнөөдрийн байдлаар Эрдэнэт үйлдвэр 89000 тонн хүдэр олборлож, 49000 тонн хүдэр боловсруулж, 22.33 хувийн агуулгатай 6272 тонн цэвэр зэс агуулсан 28086 тонн зэсийн баяжмал үйлдвэрлэжээ. Он гарсаар 451 вагон зэсийн баяжмал ачиж, үйлдвэрлэлийн төлөвлөгөө хэвийн үргэлжилж байгааг Үйлдвэрлэлийн хэлтсийн дарга Т.Түмэн-Өлзий мэдээллээ.
ХАБЭА-н хэлтсээс Хөдөлмөр хамгааллын хувцас, хэрэглэлийн нөөц ирэх наймдугаар сар хүртэл хангалттай байгааг мэдээлсэн.
Цагаан тоосны нөлөөллийн бүсэд амьдардаг иргэдийг эрүүл мэндийн иж бүрэн шинжилгээнд хамруулах ажил үргэлжилж байна. Энэ сарын нэгнээс эхэлсэн уг үзлэгт 2500 иргэн хамрагдахаас одоогоор 337 хүн үзлэг шинжилгээнд оржээ. Өнөөдрөөс Төмөр замын өртөө, гаалийн ажилчид эрүүд мэндийн үзлэгтээ орж байна.
Шинэ хаягдлын аж ахуйн газар төлөвлөх ТЭЗҮ, зураг төслийн ажил төлөвлөгөөний дагуу хийгдэж байгааг Баяжуулах үйлдвэрээс мэдээллээ. Энэ чиглэлд хамтран ажиллах гадаадын мэргэжилтнүүд ирэх сарын 20-ноос ирэх тул бэлтгэл ханган ажиллаж байна.
Хөрөнгө оруулалт, худалдан авах ажиллагааны бодлогын газар нээлттэй тендер шалгаруулалтын өгөгдлийн хүснэгтийн шинэчилсэн жишиг загвар гаргаж, холбогдох мэргэжилтнүүд, удирдлагуудад танилцуулан, хэлэлцүүлжээ.
Ерөнхий захирлын тушаалын дагуу Үйлдвэрийн газрын хэмжээнд Байгууллагын нөөц төлөвлөлтийн систем буюу ERP төсөл нэвтрүүлэх ажлыг эхлүүлээд байна. Энэ чиглэлээр хийгдэж буй ажлын талаар Мэдээллийн технологийн хэлтсийн дарга Б.Гансүх мэдээлэл хийсэн. Тус хэлтэс дээр дотоод нөөц боломжоо ашиглан тус төслийг нэвтрүүлэхээр ажиллаж байна. Ерөнхий инженер Т.Батмөнхөөр ахлуулсан ERP нэвтрүүлэх төслийн баг өнгөрсөн 7 хоногт анхны хурлаа хийсэн байна. Тус төслийг хэрэгжүүлснээр бүх бүтцийн нэгжийн үйл ажиллагааг автоматжуулах, цахимжуулах, уялдаа холбоог нэгтгэх цогц системийг Үйлдвэрийн газрын хэмжээнд нэвтрүүлэх юм.
Нар минутад мандаж минутад жаргана.
Үс засуулвал: 
Суудал: 
