"Эрдэнэт үйлдвэр" ТӨҮГ-ын Үйлдвэрчний эвлэлийн холбоо, Монгол Улсын Хүний эрхийн Үндэсний комисстой хамтран "Хүний эрхийн сургагч багш бэлтгэх" сертификаттай, цогц сургалтыг энэ сарын 14-16-ны өдрүүдэд зохион байгуулж байна.
Үйлдвэрчний эвлэлийн холбоодын гишүүд, сонгуульт ажилтнуудын хүний эрхэд суурилсан хандлага, арга зүйг төлөвшүүлэх, хүний эрхийн сургагч багшаар дамжуулан хүний эрхийн боловсрол олгох үйл ажиллагааг тасралтгүй зохион байгуулах зорилготой уг сургалтад Эрдэнэт үйлдвэрийн бүтцийн нэгжүүдийн хүний нөөцийн зарим менежерүүд, мэргэжилтнүүд нийт 35 ажилтан хамрагдаж байна.
Тэд хүний эрх, хүүхдийн эрх, хүчирхийлэлтэй холбоотой асуудал, зөрчлийг ялган таних, ажлын байрны дарамт, хүчирхийллээс урьдчилан сэргийлэх, хүний эрх хамгаалагч гэж хэн бэ, гомдлыг хүлээн авч шийдвэрлэх, комисстой хэрхэн хамтарч ажиллах вэ гэсэн гол сэдвүүдийн хүрээнд онолын мэдлэгээ дээшлүүлэн багаар ажиллалаа. Сургагч багш нараар дамжуулан ажилчдад хүний эрхийн боловсрол олгосноор хүний эрхийн зөрчлүүдийг ангилах чиг шугам тогтож, ажлын байрны дарамт, хүчирхийллийг тэглэх боломж бүрдэнэ гэж ҮЭ-ийн холбооны удирдлагууд үзэж байгаагаа сургалтын эхэнд илэрхийлсэн.
"Эрдэнэт үйлдвэр" ТӨҮГ-ын Үйлдвэрчний эвлэлийн холбоо, Монгол Улсын Хүний эрхийн Үндэсний комисстой хамтын ажиллагааны хүрээнд ажилтнуудад, анхан шатны удирдах ажилтнаас эхлээд дээд шатны удирдлагуудад зориулсан хүний эрх, хөдөлмөрлөх эрх, үүргийн чиглэлээр шат дараатай цуврал сургалтыг энэ онд зохион байгуулахаар төлөвлөжээ.
Нар минутад мандаж минутад жаргана.
Үс засуулвал: 
Суудал: 
