Эрдэнэт үйлдвэрийн Ил уурхайн хамт олон Усан туулай жилийн хөдөлмөрийн аваргуудаа шалгаруулж, өргөмжлөл шагналаа гардууллаа.
2023 онд үйлдвэрлэлийн төлөвлөгөөт зорилтыг ханган биелүүлэхэд идэвх санаачилга гаргаж, өндөр үр бүтээлтэй ажилласан Төлөвлөлт шинжилгээний товчооны Хөдөлмөрийн эдийн засагч Пүрэвдоржийн Шүрэнцэцэг, Маркшейдерийн товчооны Маркшейдерийн туслах Пүрэвдоржийн Олзбат, Уулын ажлын хэсгийн Экскаваторын машинч Түвшинбатын Марал-Эрдэнэ, Өрөмдлөг тэсэлгээний хэсгийн Өрмийн машинч Дамбаравжаагийн Батболд, Уулын тоног төхөөрөмжийн засварын хэсгийн Хүнд даацын краны машинч Ганбатын Ган-Эрдэнэ нар Ил уурхайн “Хөдөлмөрийн аварга” боллоо. Аваргуудын шагналыг Ил уурхайн дарга Д.Нямдорж болон цехийн удирдлагууд гардуулан, баяр хүргэв.