Айлчлан ирж буй 17-р жарны "Хилэнт эх" хэмээх Луу жилийн сар шинийн баярт зориулан дуу бүжгийн "Эрдэнэт" чуулгын уран бүтээлчид "Тэргүүн сарын дуулал" ардын дууны бүрэн хэмжээний концертоо толилуулав.
Соёл, урлагийн цогцолборын тоглолтын их танхим амралтын өдрүүдэд аялгуу эгшиг, ардын дуу бүжгийн шинэ бүтээл, цоморлог уясаж, Эрдэнэтийн үзэгчид орон нутгийн уран бүтээлчдийнхээ авьяас билгийг бишрэн, шимтэн үзэж сонирхлоо.
Эрдэнэт үйлдвэрийн нийгмийн чиглэлийн цех нэгжүүд 2024 онд "Соёлтой харилцаа, чанартай үйлчилгээ"-г эрхэмлэн, ажиллах юм.
Энэ хүрээнд Соёл, урлагийн цогцолбор шинэ оны уран бүтээлээ луу жилийн "Тэргүүн сарын дуулал" тоглолтоор эхлүүлж, үзэгчдэдээ өргөн барилаа.
Дуу бүжгийн "Эрдэнэт" чуулга, Хүүхэд залуучуудын театрын уран бүтээлчдийн хамтарсан "Тэргүүн сарын дуулал" тоглолтыг өчигдөр орон нутгийнхаа үзэгчдэд зориулж тоглосон бол өнөөдөр Эрдэнэт үйлдвэрийнхээ ахмадуудад зориулан тоглолтоо үнэ төлбөргүй толилуулж, уран бүтээлээрээ сар шинийн бэлэг барилаа.
Нар минутад мандаж минутад жаргана.
Үс засуулвал: 
Суудал: 
