Засвар, механикийн заводын Бүтээмжийн зөвлөл “Сайн туршлагаас суралцаж, шилдэг арга барил эзэмшье” уриан дор энэ оны анхны өдөрлөгөө зохион байгууллаа. Уг өдөрлөг Олон улсын аудитын байгууллагаас өндөр үнэлгээ авч, жишиг ажлын байраар шалгарсан Автотээврийн цехийн Технологийн тээврийн автомашины засварын хэсэгт болсон юм.
Өдөрлөгт Засвар, механикийн заводын 37 ажилтан оролцож, “Мэдлэг түгээх ажлын байр” төслөөр шинэчилж, стандартад нийцүүлсэн засварчдын, мөн цахилгаанчны ажлын байруудаар явж туршлага судаллаа.
Энэ тухайгаа Бүтээмжийн мэргэжилтэн Г.Эрдэнэдаваа: “Манай Бүтээмжийн зөвлөл энэ онд бүтээмжийн үйл ажиллагаагаар манлайлагч цех, нэгжүүдтэй танилцах өдөрлөг зохион байгуулахаар төлөвлөсөн. Өнгөрсөн жил бид уг үйл ажиллагааг инженер техникийн ажилтны дунд зохион байгуулсан бол энэ жил ажилтнуудынхаа дунд зохион байгуулж эхэллээ. Манайхан төстэй мэргэжлийнхээ ажлын байранд очиж, туршлага судаллаа. Мөн өдөр тутмын ажил, үйлчилгээ, хийж бүтээсэн зүйлс маань тухайн цехдээ хэрхэн ажиллаж байгаатай танилцаж, ажилдаа дүгнэлт хийж, алдаа байвал засах боломж бүрдэж байна. Ажилчдын маань сэтгэгдэл их өндөр байна. Ийм үйл ажиллагааг сар бүр явуулаач гэсэн санал ирүүлсэн. Ингээд манай хамт олныг хүлээн авч, сайн туршлагаасаа суралцах боломж олгосон Автотээврийн цехийн удирдлагууд болон чанарын инженер Ж.Пүрэвсүрэн, мотор агрегатын мастер Т.Ганболд, ахлах механикч Г.Ядмаа, эрчим зүйч А.Батболд, мастер Ё.Батболд нартаа талархал илэрхийлье” гэв.
Нар минутад мандаж минутад жаргана.
Үс засуулвал: 
Суудал: 
