Дэлхий нийтэд түгээмэл тархаад буй чихрийн шижин өвчнөөс хэрхэн урьдчилан сэргийлэх, өвчний талаарх мэдлэг ойлголт өгөх зорилгоор Ил уурхайн ажилтнуудад өнөөдөр сургалт зохион байгуулав.
Амьдралын зөв хэв маяг, дадлаас шууд хамаардаг чихрийн шижин өвчнөөр өвчлөхгүй байх, нэгэнт өвчилсөн бол хэрхэн эмчилж, хяналт тавих зэрэг чухал мэдээлэл бүхий уг сургалтыг “Эрдэнэт” сувиллын цогцолбор, Ил уурхайн Үйлдвэрчний эвлэлийн хороо хамтран зохион байгуулж, уурхайчдынхаа эрүүл мэндийг дэмжлээ.
Сургалтад “Эрдэнэт” сувиллын цогцолборын Дотоод шүүрлийн эмч Х.Хулан, чихрийн шижингийн талаар үндсэн ойлголт, өөрийн хяналтын талаар заавар мэдээлэл өгсөн бол Хоол зүйч Б.Батцэцэг “Чихрийн шижингийн үеийн хооллолт”, Хөдөлгөөн засалч Л.Оюунбат, сургагч багш Д.Ариунзул нар чихрийн шижин өвчний үеийн дасгал хөдөлгөөн, хөлийн арчилгаа, хүндрэлүүд сэдвээр зөвлөв. Мөн Сэтгэцийн эмч Ц.Батаа “Чихрийн шижингийн үеийн сэтгэл зүй” чиглэлээр хичээл заасан байна.
Чихрийн шижин өвчний эмчилгээний суурь нь энэ өвчний талаарх сургалтууд байдаг бөгөөд тухайн өвчтөн сургалтаас эзэмшсэн мэдлэг, чадвараа хэрэгжүүлснээр чихрийн шижингийн хяналт сайжирч, хүндрэлээс урьдчилан сэргийлэх, хойшлуулах боломж бүрддэг аж. Тус сургалтын ач холбогдол үүнд чиглэж буйг зохион байгуулагчид, нарийн мэргэжлийн эмч нар онцоллоо.
“Чихрийн шижин” өвчний мэдлэг олгох сургалт зохион байгууллаа
Б.Баттөгс
Зурагчин
Энэ мэдээ танд ямар санагдав?
0
0
0
1
0