Эрдэнэт үйлдвэрийн Нийгмийн цехүүд өнгөрсөн оны ажлын гүйцэтгэлээ тайлагнаж, шинэ оныхоо зорилтын талаар мэдээлэл хийж эхлэв. Аж ахуй, үйлчилгээний цехийн хамт олон үндэсний үйлчилгээний стандартад нийцүүлэн, үйлдвэрийн газрын онцлогт тохируулсан цэвэрлэгээ үйлчилгээг чанартай, шуурхай, хүртээмжтэй, соёлтой, найдвартай үзүүлэн тайлант хугацааны зорилго, зорилтоо хэрэгжүүлсэн байна. Тус цех 2023 онд үйлчилгээндээ 13.3 тэрбум төгрөг төлөвлөн ажилласнаас 2.2 ТЭРБУМ төгрөгийн зардлын хэмнэлт хийжээ.
МОНГОЛ УЛСЫН АНХДУГААР ЗӨВЛӨГӨӨН ЗОХИОН БАЙГУУЛАВ
ААҮЦ-ээс санаачлан манай улсын нийтлэг үйлчилгээний нийт ажилтнуудын дунд Монгол улсын АНХДУГААР зөвлөгөөн ур чадварын тэмцээн зохион байгуулж, 17 аймгаас 100 гаруй хүн оролцсон юм. Цэвэрлэгээ, үйлчилгээний ажилтнууддаа мэргэжлийн үнэмлэх олгох сургалт зохион байгуулж, нийт 60 хүнд үнэмлэх олгон, цэвэрлэгээ, үйлчилгээний ажилтнуудын 80 хувийг мэргэжлийн үнэмлэхтэй болгосон байна.
ТОНОГ ТӨХӨӨРӨМЖҮҮДЭД ТЕХНИКИЙН ЗАСВАР ҮЙЛЧИЛГЭЭ ХИЙВ
Тайлант хугацаанд 400 гаруй тоног төхөөрөмжид давхардсан тоогоор 2100 гаруй удаагийн үзлэг, засвар, техникийн үйлчилгээ хийжээ. Үйлдвэрийн газрын өмчлөлийн орон сууцанд оршин суугчдаас цахилгаан, сантехник, мужаан болон ахуйн нийт 7,141 удаагийн засвар үйлчилгээний ажлын дуудлага хүлээн авч оршин суугчдынхаа тав тухтай амьдрах орчин нөхцөлийг бүрдүүлж ажиллажээ.
АЖИЛТНУУДЫН ОРОЛЦОО, ИДЭВХ САНААЧИЛГЫГ ӨРНҮҮЛЭВ
Тус цех 2023 онд “Бүтээлч 45 ажил” аяныг санаачлан зохион байгуулж, нийт 40 саналыг хэрэгжүүлж ажилтнуудын оролцоо, идэвх санаачилгыг өрнүүлэн ажиллалаа. Үйлдвэрийн газрын “100 бүтээлч ажил аян”-д Бүтээлч хамт олноор шалгарч 2 500 000 төгрөгөөр шагнуулж, цехийн үндсэн үйл ажиллагааг чиглэл тус бүрээр 100 хувь ханган биелүүлэв.
ШИНЭ СТАНДАРТ НЭВТРҮҮЛНЭ
2024 онд СОЁЛТОЙ ХАРИЛЦАА-ЧАНАРТАЙ ҮЙЛЧИЛГЭЭ үзүүлэх зорилт тавьсан ААҮЦ-ийн хамт олон ерөнхий захиргааны I, II, III байрны ажилчид болон цехийн нийт ажилтнуудынхаа эрүүл, цэвэр, аюулгүй орчинд ажиллаж амьдрах нөхцөл бүрдүүлэхэд илүү санаачилга гарган ажиллахаар төлөвлөжээ. Ногоон БАЙГУУЛАМЖ, ногоон АЖЛЫН БАЙР аяны хүрээнд нийт ажлын байр, өрөө тасалгаануудад өнгө тансаг цэцэгсийн орчин бүрдүүлэхээр зорьж байна.