Үйлдвэрийн газрын ажилтнууд болон дотоод, гадаадын амрагчдыг нарсан ой дахь Сэлэнгэ баазад амраах, дотоодын аялал жуулчлалыг хөгжүүлэх, зочид буудлын үйлчилгээ үзүүлэх, үйлдвэрийн газрын ажилтнуудад халуун хоол катерингаар үйлчлэх зэрэг олон төрлийн үйл ажиллагааг Сэлэнгэ амралт, аялал жуулчлалын цогцолбор эрхэлдэг. 2023 онд тус цогцолборынхон нийт 8 чиглэлийн хүрээнд 34 ажил төлөвлөн ажилласан байна.
НАЙМАН ЭЭЛЖИЙН ХУГАЦААНД 3855 ХҮҮХДЭД ҮЙЛЧИЛЖЭЭ
Өнгөрсөн онд давхардсан тоогоор нийт 10,443 амрагч Сэлэнгэ амралтын баазад амарчээ. “Найрамдлын Эрдэнэс” хүүхдийн зуслангийн эрхийн бичгийг цахимаар борлуулж, 8 ээлжийн хугацаанд 3855 хүүхэд амарч үйлчлүүлсэн байна. Цахимаар эрхийн бичгийг борлуулснаар гадаад, дотоодын аль ч газраас авах боломж бүрдүүлжээ. Нэг өдрийн хөтөлбөрт аяллаар “American school of Ulaanbaatar” сургуулийн 36 сурагч, “Jargalan green school” сургуулийн 75 сурагчийг хүлээн авч, Булган аймгийн Хангал сумын нутагт орших цэвэр агаар, нарсан ойд амраажээ.
ДОТООДЫН АЯЛАЛ ЖУУЛЧЛАЛЫГ ХӨГЖҮҮЛНЭ
Сэлэнгэ амралт аялал жуулчлалын цогцолбор үйл ажиллагааны цар хүрээгээ нэмэгдүүлж, аялал жуулчлалыг хөгжүүлэх зорилгоор өнгөрсөн онд 4 шөнө, 3 өдрийн “Сайн байна уу Эрдэнэт” аялал зохион байгуулсан. Энэ хөтөлбөрийн хүрээнд 2023 онд “Наран Трейд” ХХК-ийн 45 хүнийг хүлээн авч үйлчилжээ. Цаашид Завхан аймгаас хүмүүс авчирч амраах, мөн Завхан аймгийн үзэсгэлэнт байгальд ажилчдыг аялуулах зорилгоор 5-7 хоногийн аялал зохион байгуулж, нэмэлт орлого олох зорилт тавин ажиллах юм байна.
ТОГООЧ НАР АЖИЛ МЭРГЭЖЛЭЭРЭЭ ТЭРГҮҮЛЛЭЭ
Орхон аймгийн аварга тогооч зөөгч шалгаруулах ажил мэргэжлийн уралдаанд оролцож Нарийн боовны төрөлд алт, мөнгө Багийн төрөлд гран-при мөнгөн цом, зөөгчийн төрөлд мөнгөн медаль, эмчилгээний хоолны төрөлд хүрэл медаль, Төвийн бүсийн аварга шалгаруулах тогооч зөөгч шалгаруулах ажил мэргэжлийн уралдаанд capitan chef төрөлд гран при төрөлд алтан цом, Нарийн боовны төрөлд мөнгө, хүрэл, Зөөгчийн төрөлд алтан медаль, Тайланд улсад зохион байгуулагдсан А зэрэглэлийн аварга шалгаруулах тогоочийн тэмцээнд “Энэрэл” төвийн тогооч Г.Ганбаатар оролцож рестораны төрлийн хоолонд мөнгөн медаль, цагаан хоолны төрөлд тусгай байр, ногоонд суурилсан хоолны төрөлд тусгай байр тус тус эзэлсэн байна.
Нар минутад мандаж минутад жаргана.
Үс засуулвал: 
Суудал: 
