Эрдэнэт үйлдвэрийн нийгмийн цехүүдийн тайлангийн хурлаар Спорт цогцолбор өнгөрсөн оныхоо ажлын тайланг хамгаалж, шинэ оны зорилтоо тодорхойлов. 2023 онд тус цогцолборын баг тамирчид Дотоодын тэмцээн уралдаанаас нийт 382 медаль хүртжээ.
Мөн “Эрдэнэт үйлдвэр” ТӨҮГ-ын түүхт 45 жилийн ойн хүрээнд үндэсний спортыг сурталчлах “Монгол наадам”-ыг зохион байгуулж, 28 цехийн 1800 гаруй ажилтан, албан хаагчид оролцсон байна. Түүнчлэн Монголын бүх ард түмний спортын өвлийн XVI наадам, Монголын хүүхдийн спортын өвлийн VII наадмыг зохион байгуулах ажилд Спорт цогцолборын хамт олон тэргүүлэх үүрэгтэй оролцсонд Монгол Улсын Засгийн газар, БТСУХ-оос өндөр үнэлгээ авчээ.
ҮЙЛЧИЛГЭЭНИЙ НЭР ТӨРЛӨӨ НЭМЭГДҮҮЛНЭ
Спорт цогцолбор “Соёлтой харилцаа-Чанартай үйлчилгээ” урианы хүрээнд үйлчилгээний нэр төрлөө нэмэгдүүлэх, ашиг орлого олох, өртөг зардлаа бууруулан хэмнэлт гаргах зорилгоор үйлчилгээний чанарыг шинэ шатанд гаргах, орчин үеийн жишигт нийцсэн зөв боловсон, соёлтой үйлчилгээг хэвшүүлэх, чанарын менежментийн тогтолцооны ISO 9001 стандартыг хэрэгжүүлэх, хөрөнгө оруулалтын төлөвлөгөөт ажлуудыг гүйцэтгэх, үйлдвэрийн ажиллагсдын дунд уламжлалт спартакиадын уралдаан тэмцээн зохион байгуулах зорилт дэвшүүллээ.
СПОРТ ЦОГЦОЛБОР ҮЙЛЧИЛГЭЭНИЙ ЧАНАРЫГ ШИНЭ ШАТАНД ГАРГАНА
Тайлангийн хурлын үеэр үйлдвэрийн Хамтын ажиллагаа, нийгмийн харилцааны бодлогын газрын дарга Ц.Бат-Энх Спорт цогцолборын үйл ажиллагаанд инноваци,бүтээмжийг нэмэгдүүлэн зөв менежменттэй ажиллаж, өмнөхөөсөө шинэлэг хэлбэрээр ажил үйлчилгээ явуулах, үйлчилгээний чанарыг шинэ шатанд гаргахыг холбогдох албаны хүмүүст үүрэг болгов.
Нар минутад мандаж минутад жаргана.
Үс засуулвал: 
Суудал: 
