Эрдэнэт үйлдвэр, орон нутгийн үйлдвэрлэгчдийн үйл ажиллагааг худалдан авалтын бодлогоороо хуулийн хүрээнд дэмжин ажиллаж байна. Энэ хүрээнд Ерөнхий захирал Г.Ёндон, Жаргалант суманд өрхийн тариалан эрхэлдэг ногоочидтой уулзаж, тэдний санал бодлыг сонсон харилцан ярилцлаа. Уулзалтад “Эрдэнэт үйлдвэр” ТӨҮГ-ын Хөрөнгө оруулалт, худалдан авах ажиллагааны бодлогын газрын дарга С.Энхмандах, Маркетингийн хэлтсийн дарга Д.Дашдорж, “Сэлэнгэ” амралт, аялал жуулчлалын цогцолборын Үйлдвэрлэлийн албаны эрхлэгч Б.Ширзаан болон бусад холбогдох албаны мэргэжилтнүүд оролцож, хамтын ажиллагааны явц, цаашид хуулийн хүрээнд хэрхэн хамтрах талаар санал солилцов.
Эрдэнэт үйлдвэр, хүнсний ногооны тариалалт эрхэлж буй хоршоо, аж ахуй эрхлэгчтэй Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн хүрээнд гэрээ байгуулан, үйлдвэрийн газрын дотоодын хэрэгцээнд шаардлагатай таван төрлийн хүнсний ногоо худалдан авдаг. Энэ үйл ажиллагаа талуудад хэрхэн үр өгөөжөө өгч буй, тэр тусмаа хүнсний ногоо тариаланчдын үйлдвэрлэлд ямар ач тустай байгаа болон үүний үр дүнд тэдний үйлдвэрлэл бэхжиж, өргөжих нь хамгийн чухал гэдгийг Ерөнхий захирал онцоллоо. Мөн Монгол Улсын Ерөнхийлөгчийн санаачилсан “Хүнсний хувьсгал” хөтөлбөр, энэ оны эхнээс хэрэгжиж буй “Төрийн болон орон нутгийн хөрөнгөөр бараа, ажил, үйлчилгээ худалдан авах тухай” хуулийн шинэчилсэн найруулгын холбогдох зүйл заалтууд, Эрдэнэт үйлдвэрээс баримталж буй орон нутгийн үйлдвэрлэгчид, хувийн хэвшлийн үйлчилгээг дэмжих бодлого, шийдвэрийн талаар мэдээлэл өгсөн.
Энэ үеэр гэрээ байгуулсан хүнсний ногоо тариаланчид Эрдэнэт үйлдвэрийн худалдан авалтын бодлогын дэмжлэг, хамтын ажиллагаа үр өгөөжтэй, үйл ажиллагаанд бодитой хувь нэмэр үзүүлсэнд талархаж буйгаа илэрхийлсэн. Эрдэнэт үйлдвэр цаашид орон нутгийн үйлдвэрлэгчдийн үйл ажиллагааг худалдан авалтын бодлогоороо хуулийн хүрээнд дэмжин ажилласаар байх болно гэдгээ уулзалтын төгсгөлд онцоллоо.
Нар минутад мандаж минутад жаргана.
Үс засуулвал: 
Суудал: 
