Орхон аймгийн Өсвөрийн аварга шалгаруулах зуун буудалт даамны тэмцээн шинэ оны эхний долоо хоногт боллоо. Орхон аймгийн Засаг даргын тамгын газар, Даамны холбоо, Биеийн тамир спортын газар хамтран шинэ оны анхны тэмцээнийг зохион байгуулжээ. Тэмцээнд өсвөр насны 120 гаруй тамирчин таван насны ангиллаар өрсөлдөж, аваргуудаа тодруулсан байна.
Хамгийн бага насны буюу 5-6 насны хөвгүүдийн төрөлд М.Баяр, Э.Сэрдамба, С.Соёл-Эрдэнэ, охидоос Н.Хулан, Э.Намуунаа, Г.Эгшиглэн нар, 7-8 насны хөвгүүдээс Г.Эрдэнэ-Очир, Б.Энх-Эрдэнэ, Б.Төгөлдөр, охидоос Ц.Мичидмаа, Н.Өдөнсондор, М.Эмүжин нар, 9-10 насны хөвгүүдийн ангилалд З.Чингис, Э.Хүсэлбат, У.Ирмүүн, охидын ангилалд О.Бадамлянхуа, Э.Номин-Эрдэнэ, Ш.Өнөрбилэг нар эхний байруудад тус тус шалгарав. 11-13 насны хөвгүүдээс У.Нарандөл, Д.Бахытжан, Б.Баяржавхлан, охидоос М.Дөлгөөнсор, У.Мөнхнар, У.Саруул, 14-16 насны хөвгүүдийн ангилалд М.Мянганбаяр, Д.Өсөхбаяр, Б.Тэмүүлэн, охидын ангилалд Д.Эрдэнэзул, Т.Гүнбилэг, Б.Марал-Эрдэнэ нар аваргууд болжээ.
Тэмцээний эхний байранд шалгарсан тамирчид энэ сарын 16-20-ны өдрүүдэд болох УАШТ-д оролцох эрх гардаж авсан байна. Шагналыг Орхон аймгийн Даамын холбооны Тэргүүн Д.Доржпүрэв, Биеийн тамир, спортын газрын мэргэжилтэн Э.Лхамсүрэнбаатар нар гардуулж, баяр хүргэлээ.