“Эрдэнэт үйлдвэр” ТӨҮГ-ын удирдах ажилтны даваа гаргийн ээлжит шуурхай зөвлөгөөн боллоо. Зөвлөгөөнд цех, газар, хэлтсийн удирдлагууд цаг үеийн асуудлаар мэдээлэл хийсэн.
Манай улсад жил бүрийн 12 дугаар сарын 25-ны өдрийг Уурхайчдын баярын өдөр болгон тэмдэглэдэг. Ардын хувьсгалын дараа Налайхын нүүрсний уурхай байгуулагдснаар уул уурхайн салбарын үүсэл хөгжил, эх суурь тавигдсан юм. Энэхүү түүхт баярын өдрийн мэндийг бүтцийн нэгжийн удирдлагууд мэдээллийнхээ эхэнд хүргэв.
Өнгөрөгч долоо хоногт үйлдвэрийн газрын хэмжээнд Хөдөлмөрийн эрүүл мэнд, аюулгүй байдлаар хэвийн ажиллалаа гэж тус хэлтсийн дарга Д.Мөнхболд мэдээллээ. Тус хэлтсээс ажилчдын халуун хоолны амт чанарын талаар энэ 7 хоногийн турш санал асуулга авч, цаашид 2024 оны 1 дүгээр сард зохион байгуулах НЭН-ТҮРҮҮНД ХАБ бага хурлаар хэлэлцүүлж, батлуулах ажилд тусгах юм байна.
Эрдэнэт үйлдвэрийн Үйлдвэрлэлийн хэлтсээс өнгөрсөн долоо хоногийн шуурхай зөвлөгөөнөөс өгсөн үүрэг даалгаврын биелэлтийг танилцуулж, 2023 оны үйлдвэрлэлийн төлөвлөгөөг хүлээгдэж буй гүйцэтгэлээр мэдээллээ. 45 жилийн түүхт ой нь тохиосон БААТАР үйлдвэрийн баялаг бүтээгч хамт олон үйлдвэрлэлээ дагаад эдийн засгийн түүхэн амжилтууд гаргахаар байна. 2023 оны хүлээгдэж буй гүйцэтгэлээр 12 сарын 25 буюу өнөөдөр уулын цул гаргалт, хөрс хуулалтын төлөвлөгөө биелж байгаа бол энэ сарын 10-нд молибдены баяжмал ачилтын төлөвлөгөө, 14-нд молибдены баяжмал үйлдвэрлэлийн төлөвлөгөө тус тус биелжээ. Мөн өнөөдөр зэсийн баяжмал ачилтын үзүүлэлт биелсэн бол 12 сарын 27-нд хүдэр олборлолт, 29-нд хүдэр боловсруулалт, зэсийн баяжмал үйлдвэрлэлийн төлөвлөгөө бүрэн биелэх юм байна.
Эрдэнэс Монгол нэгдлийн харьяа охин компаниудын төлөөлөл оролцсон МОНГОЛЫН уурхайчдын өдрийн нэгдсэн үйл ажиллагааны үеэр байгаль орчин, нийгэм, засаглалын манлайлагч Алтан эрдэнэ цомоор “Эрдэнэт үйлдвэр” ТӨҮГ шагнуулсан. Энэхүү өргөмжлөлийг Хамтын ажилагаа, нийгмийн харилцааны газрын дарга Ц.Бат-Энх, Ерөнхий инженер Т.Батмөнхөд гардууллаа.
Оны отгон шуурхай хуралдааны төгсгөлд Ерөнхий захирал Г.Ёндон нийт уурхайчин хамт олондоо талархал дэвшүүлж, баяр хүргэлээ. Эрдэнэт үйлдвэрийн уурхайчид эх орныхоо өмнө хүлээсэн үүргээ нэр төртэй биелүүлж, 2023 онд борлуулалтын орлогыг 4.0 их наяд төгрөгт хүргэж, улс орон нутгийн төсөвт 2.0 их наяд төгрөг төвлөрүүлж байна. Монголбанкны валютын нөөцийг бүрдүүлэхэд голлох үүрэг гүйцэтгэж, 1.0 тэрбум ам доллар борлууллаа. Ингэснээр ам долларын монгол төгрөгтэй харьцах ханшийг барьж, инфляци бууруулахад нөлөө үзүүлснээр, нийт ард иргэдийнхээ аж амьдралд тус дэм боллоо гэв.
Нар минутад мандаж минутад жаргана.
Үс засуулвал: 
Суудал: 
