Ажилтнуудынхаа сайн санал, санаачилгыг өрнүүлж, бүтээмжийг нэмэгдүүлэх, бүтээмж инновацийн үйл ажиллагааг идэвхжүүлэн сурталчлах зорилгоор Ус хангамжийн цехийнхэн жил бүр тодорхой зорилтот уралдааныг зохион байгуулж байна. Тус цехийн Бүтээмжийн зөвлөл санаачлан удирдлагын баг, Залуучуудын холбоо, ҮЭ-ийн хороотой хамтран “ХАБЭА ба сайн үйлсийг хэрэгжүүлэгч”, “Залуус бид бахархлын эзэд” зэрэг үйл ажиллагааг өнгөрсөн жилүүдэд зохион байгуулсан бол энэ жил “Шинэ санаа-Амжилтын эхлэл” болзолт уралдааныг цехийн хэмжээнд явуулж, дүгнэлээ. “Шинэ санаа-Амжилтын эхлэл” болзолт уралдааныг Бүтээмжийн зөвлөл, Үйлдвэр Техникийн товчоо, Хүний нөөцийн товчоо хамтран Эрдэнэт үйлдвэрийн 45 жилийн ойд зориулан зохион байгуулснаараа онцлогтой гэдгийг Бүтээмжийн зөвлөлийн мэргэжилтэн А.Долгормаа ярилаа.
Эрдэнэт үйлдвэрийн хэмжээнд хэрэгжүүлж буй хүний нөөцийн цогц хөтөлбөрүүд болох “Залуу ажилтныг дэмжих”, “Манлайлал, авьяас чадвар”, “Залгамж” хөтөлбөрүүдтэй уялдуулж, “Шинэ санаа-Амжилтын эхлэл” уралдаанаа залуу ажилтнууд, инженер техникийн ажилтнууд, 20 ба түүнээс жил ажиллаж буй ахмад ажилтнууд гэсэн гурван чиглэлээр зохион байгуулсан байна. Залуу ажилтнуудыг сэдэлжүүлж, идэвхжүүлэх зорилготой “Шинийг эрэлхийлье” уралдаанд нийт 59 сайн санал гаргаж, оролцсоноос Цэвэрлэх ус хангамжийн хэсгийн шугам хоолойн засварчин Э.Хүдэрбат тэргүүлж, Цэвэрлэх байгууламжийн хэсгийн шугам хоолойн засварчин Э.Цогтбаяр удаах байр эзэлжээ.
Харин цехийн хэсэг нэгжийн удирдлага, инженер техникийн ажилтнууд, чанарын дугуйлантай хамтран “Асуудлыг шийдье” сэдвийн хүрээнд өөрийн хэсэг товчооны үйл ажиллагаанд тулгамдаж буй асуудлаар гарц шийдэл дэвшүүлэн төсөл хэрэгжүүлсэн байна. Энэ уралдаанд Цэвэрлэх байгууламжийн хэсэг “Шинэ лагийн талбайн ашиглалт” төслөөр тэргүүн байр, Эргэлтийн ус хангамжийн хэсэг “2*10 000м3 багтаамж бүхий усан сангийн хөвөгч таг дээр тогтсон усыг соруулах үеийн эрсдлийг бууруулах” төслөөр удаах байранд шалгарав.
Олон жил ажиллаж буй ажилтнуудынхаа мэдлэг ур чадвар, туршлагаас өвлүүлэн үлдээх зорилготой “Залгамжаа бэлдье” уралдаанд ЦБХ-ийн лабораторийн эрхлэгч З.Өнөр, ЦУХХ-ийн засварчин А.Баярсайхан, ХХХ-ийн хүчилтөрөгчийн станцын аппаратчин А.Амар, Захиргааны диспетчер Г.Оюунчимэг нарын ахмад ажилтнууд манлайлж, өөрсдийн мэдлэг,ажлын туршлагаа шавь нартаа хэрхэн зааж сургасан талаар туршлагаа хуваалцлаа.
Нар минутад мандаж минутад жаргана.
Үс засуулвал: 
Суудал: 
