Цөмийн энергийн тухай хуулийн дагуу цацрагийн үүсгүүртэй гардан харьцаж ажилладаг мэргэжилтнүүд жилд бүр мэргэжлээс шалтгаалах өвчнөөс урьдчилан сэргийлэх эрүүл мэндийн нарийвчилсан үзлэг шинжилгээнд хамрагддаг.
Энэ үзлэгийг хийх эрх бүхий байгууллага нь Хөдөлмөр, нийгмийн хамгааллын яамны Хөдөлмөрийн аюулгүй байдал, эрүүл мэндийн төвийн Мэргэжлийн өвчин судлалын эмнэлэг байдаг бөгөөд “Эрдэнэт үйлдвэр” ТӨҮГ-ын цацрагтай ажиллагчид эрүүл мэндийн нарийвчилсан үзлэг шинжилгээндээ хоёр ээлжээр Улаанбаатар хот руу явж хамрагджээ.
Сүүлийн таван жилд Эрдэнэт үйлдвэртэй байгуулсан гэрээний дагуу тус эмнэлгийн эмч нарын баг бүрэлдэхүүн Эрдэнэт хотод ирж, Орос эмнэлгийн байранд цацрагийн үүсгүүртэй харьцдаг ажилчдад үзлэг шинжилгээ хийх ажлыг зохион байгуулдаг байсан. Харин энэ жилээс төрийн хэмнэлтийн тухай хууль, зарим зохицуулалтын улмаас эмч нарын баг ирж ажиллах боломжгүйгээ мэдэгдсэн байна.
Иймээс “Эрдэнэт үйлдвэр” ТӨҮГ-ын Ерөнхий захирлын 2023 оны А/803 тоот тушаалын дагуу 12-р сарын 05-ны өдөр цацрагтай ажиллагч эхний ээлжийн 28 ажилтан, 12-р сарын 07-ны өдөр буюу өнөөдөр хоёрдугаар ээлжийн ажилтнууд Хөдөлмөрийн аюулгүй байдал, эрүүл мэндийн төвийн Мэргэжлийн өвчин судлалын эмнэлэгт нарийн үзлэг шинжилгээнд орлоо. Тус эмнэлгийн дүгнэлт зөвлөмжид үндэслэн “Эрдэнэт” сувиллын цогцолборын мэргэжлээс шалтгаалах өвчин судлалын эмч нар, цех хариуцсан эмч нартай хамтран цацрагтай ажиллагч нарын эрүүл мэндийг дэмжих хөтөлбөр төлөвлөгөө гарган ажиллах юм.
Нар минутад мандаж минутад жаргана.
Үс засуулвал: 
Суудал: 
