“Эрдэнэт үйлдвэр” ТӨҮГ-ын 45 жилийн ойг тохиолдуулан Стратеги, хөгжлийн газар, Дотоод хяналт, мониторингийн хэлтэс хамтран шилдэг төсөл, илтгэл шалгаруулах уралдааныг дөрвөн чиглэлээр зохион байгуулах тухай Ерөнхий захирлын 2023 оны 10 дугаар сарын 03-ны өдрийн А/644 дүгээр тушаал гарсан.
Энэхүү тушаалын дагуу Дотоод хяналт, мониторингийн хэлтэс “Эрсдэлийн удирдлага” илтгэлийн уралдааныг зохион байгууллаа. Уралдаанд оролцогчдын 21 бүтээлийг хүлээн авч, эхний шатны үнэлгээ хийж, 2-р шатанд 12 илтгэлийг шалгаруулан өчигдөр хэлэлцүүллээ.
Оюу танхимд болсон уг хэлэлцүүлэгт Эрдэнэт үйлдвэрийн ажилтнуудын төлөөлөл оролцож, уралдаан зохион байгуулах ажлын хэсгийн долоон гишүүн шүүн тунгаалаа. Уралдааны дүн гарахад, Тэргүүн байрт Мэдээллийн технологийн хэлтэс стратеги, судалгааны тэргүүлэх мэргэжилтэн Б.Мөнхцэцэгийн Мэдээллийн технологийн эрсдэлийн удирдлага /“Эрдэнэт үйлдвэр” ТӨҮГ-ын жишээн дээр/ сэдэвт илтгэл шалгарав. ХАБЭА-н хэлтсийн цацрагийн аюулгүй байдал хариуцсан тэргүүлэх инженер Ц.Оргил “Эрсдэлийн удирдлагыг цөмийн технологит нэвтрүүлж, цацрагийн эрсдэлийг бууруулах арга зам” илтгэлээрээ дэд байр, Хүний нөөц захиргааны хэлтсийн Хүний нөөцийн тэргүүлэх мэргэжилтэн Ө.Золбаяр “Эрсдэлийн удирдлага” (Хүний нөөцийн) илтгэлээрээ гутгаар байр эзлэв.
Түүнчлэн Хуулийн хэлтсийн хуульч Т.Эрдэнэбилэг “Сахилгын зөрчлийн эрсдэлийг бууруулах нь”, Баяжуулах үйлдвэрийн Хүний нөөцийн товчооны дарга Т.Тунгалагтамир, мэргэжилтэн О.Оюун-Эрдэнэ, Эрдэнэт цогцолбор дээд сургуулийн Санхүү менежментийн тэнхимийн эрхлэгч Н.Цэрмаа, багш Д.Сансар нар “Эрдэнэт үйлдвэр ТӨҮГ-ын Баяжуулах үйлдвэрийн хүний нөөцийн далд эрсдэлийн судалгаа” сэдэвт илтгэлээрээ тусгай байр эзэллээ. Шүүгчид илтгэлийн материал боловсруулалт, илтгэх ур чадвар, эрсдэлийг судалгаа шинжилгээнд үндэслэн тодорхойлж, гарц шийдлийг бий болгосон, логик уялдаа холбоотой санал дүгнэлт гаргасан, үйлдвэрийн газрын үйл ажиллагаа үйлдвэрлэл, эдийн засагт үзүүлэх үр нөлөө зэргийг харгалзан шалгаруулжээ.
Нар минутад мандаж минутад жаргана.
Үс засуулвал: 
Суудал: 
