Монгол Улсын Зам, тээврийн хөгжлийн яамны Төрийн нарийн бичгийн дарга С.Батболд, “Эрдэнэт үйлдвэр” ТӨҮГ-ын Ерөнхий захирал Г.Ёндон нар хамтран ажиллах санамж бичигт гарын үзэг зурж, баталгаажууллаа. Талууд уулзах үеэр Ерөнхий захирал Г.Ёндон 45 жилийн ой нь тохиож буй үйлдвэрийнхээ түүхэн хөгжил, өнөөгийн ОЛОЛТ АМЖИЛТ, онцлох төсөл хөтөлбөр, бүтээн байгуулалт, цаашид өртөг шингэсэн эцсийн бүтээгдэхүүн үйлдвэрлэх хөгжлийн чиглэл, зорилгын талаар дэлгэрэнгүй танилцуулав.
Зам, тээврийн хөгжлийн яамны Төрийн нарийн бичгийн дарга С.Батболд, эртний харилцаатай Эрдэнэт үйлдвэр баялгийн үр шимийг тээврийн салбарт, тэр дундаа дэд бүтцэд шингээж, бүтээн байгуулалт болгож байгаад баяртай байгаагаа илэрхийлсэн. Тодруулбал, энэ жил ашиглалтад орсон Эрдэнэт-Хялганат чиглэлийн автозамыг Зам, тээврийн хөгжлийн яамныхан ЗЭСЭЭР бүтсэн, жинхэнэ АЛТАН ШАР зам хэмээн бэлгэшээдгээ хэлсэн юм. Талууд жилээс жилд өсөн нэмэгдэж буй эрэлт хэрэгцээг хамтарч шийдэх, экспорт, импортыг нэмэгдүүлэхэд учирч буй саад тотгорыг арилгах талаар энэ үеэр харилцан санал солилцлоо.
Санамж бичигт автотээврийн хэрэгслийн хүртээмжийг нэмэгдүүлэхэд чиглэсэн тээврийн хэрэгслийн угсралт, эд ангийн үйлдвэрлэлийг хөгжүүлэх, төмөр замын тээврийн хүчин чадлыг нэмэгдүүлэх, хөдлөх бүрэлдэхүүний үйлдвэрлэлийг хөгжүүлэх, “Эрдэнэт үйлдвэр” ТӨҮГ-ын бүтээгдэхүүний тээвэрлэлтийг сайжруулах, ачаа эргэлтийг нэмэгдүүлэхэд дэмжлэг үзүүлэх, Үйлдвэрлэл, технологийн паркийн автозам, төмөр зам барих, төслүүдийг хэрэгжүүлэх, үйлдвэрийн газрын зам, тээврийн чиглэлийн хүний нөөцийг хөгжүүлэх, мэргэжилтэй хүний нөөц бэлтгэх, мэргэшүүлэх чиглэлд хамтран ажиллахаар тусгалаа. Мөн Олон улсын зам тээвэр, ложистикийн харилцааг хөгжүүлэхэд харилцан дэмжлэг үзүүлэх, ерөнхий зориулалтын нисэхэд ашиглах хөөрч буух зурвас, эмнэлгийн яаралтай түргэн тусламжид үзүүлэх хэлипортын талбай байгуулах, Улаанбаатар хот-Орхон, Булган аймгийн чиглэлийн аялал жуулчлалын маршрут хөгжүүлэхэд чиглэлээр хамтран ажиллахаар болов.
Нар минутад мандаж минутад жаргана.
Үс засуулвал: 
Суудал: 
