Эрдэнэт үйлдвэрийн бүх шатны удирдлага болон хүнтэй ажилладаг мэргэжилтнүүд хүний эрхийн чиглэлээр сургалт авч байна. Сургалтыг ХЭҮК-ийн Хүний эрхийн сургалт, сурталчилгааны хэлтсийн дарга Х.Цэцгээ удирдан, мэдээлэл таниулга хийв. Монгол Улсын Хөдөлмөрийн тухай хууль шинэчлэгдэн батлагдаж, өнгөрсөн оны 1 сарын 1-нээс хэрэгжиж байна. Тус хуулийн 1 дүгээр бүлгийн 7,8,9 дэх зүйлд хүний эрх болон хөдөлмөрлөх эрхийн суурь зарчмуудыг тодорхойлж өгсөн. Тухайлбал, ажлын байранд ялгаварлан гадуурхах, бэлгийн болон бусад хэлбэрийн дарамт шахалт үзүүлэх зэргийг хориглож, эвлэлдэн нэгдэх эрхийг нээж, зүйлчлэн заасан байдаг. Нөгөөтэйгүүр, Хүний эрхийн Үндэсний комиссоос Эрдэнэт үйлдвэрийн удирдах ажилтнуудын хүний эрхийн мэдлэгийг дээшлүүлэх, сургалт сурталчилгааг үе шаттай зохион байгуулах талаар зөвлөмж ирүүлсний дагуу энэхүү сургалтыг зохион байгуулж байгааг Хүний нөөц, захиргааны хэлтсийн Захирлын зөвлөлийн нарийн бичгийн дарга Н.Энхболд онцоллоо.
Сургалтын гол ач холбогдол нь удирдах ажилтнуудад хүний эрхийн суурь зарчим, ойлголт, Хүний эрхийн олон улсын гэрээ, конвенц, хүний эрхэд суурилсан хандлагын ойлголт, үндсэн шинж, үндэсний болон олон улсын эрх зүйн зохицуулалт болон ямар тохиолдолд хүний эрх зөрчигддөг эсэх, хэрхэн сэргээх тухай сэдвээр цогц мэдлэг мэдээлэл өгч буйд оршиж байна. Өөрөөр хэлбэл, хүний эрхийг зөрчихгүйгээр хөдөлмөрийн харилцааг хэрхэн зохицуулахад суралцах юм.
Нар 08:22 минутад мандаж 17:01 минутад жаргана.
Үс засуулвал: Өвчин ирнэ
Суудал: Огторгуй
