Хөгжмийн зохиолч, яруу найрагч, дуучин гэсэн гурвалсан багаар Үндэсний шилдэг дуу бүтээх анхдугаар шоу Монголд анх удаа зохиогдож байгаа нь “Mongolian songs” юм. Тус шоунд Өвөрмонгол, Буриад, Халимаг, Монгол Улсын 160 гаруй багийн 480 орчим уран бүтээлчид авьяас билгээ сорин өрсөлдөж, эхний шатны хаалттай шалгаруулалтаас 50 баг шигшигдэн үлдсэн байна. Улмаар 2-р шатанд 30 гаруй баг тунаснаас сүүлийн шатанд 23 баг үлдэж, шалгаруулалтыг ирэх оны 01-р сарын сүүлчээр “UB Palace”-т зохион байгуулахаар төлөвлөсөн аж.
Үндэсний хэмжээнд зохиогдож байгаа шоу нэвтрүүлгээс хамгийн олон шүүгчтэйгээрээ энэхүү шоу ялгарч байгаа юм. Тухайлбал, тус шоу 50 шүүгчтэйгээс 20 нь мэргэжлийн уран бүтээлчид, 25 нь ард түмний төлөөлөл, 5 нь ментор буюу сэтгэгдлээ хэлэх шүүгчээс бүрдсэн байна. Дуу хуурын аялгуу эгшгээр онгод хийморио хөглөсөн Монгол түмний сонорыг мялаасан олон сайхан дуу энэхүү шоуны тайзнаас эгшиглэж, оюуны мэлмийд түгсээр байгаа билээ.
Эрдэнэт үйлдвэрийн Баяжуулах үйлдвэрийн ажилтан, залуу уран бүтээлч, МУСТА Б.Нямдэлгэр анхдугаар шоунд “Чингис хаан” хамтлагийн даралтат хөгжимчин, ая зохиогч, продюсер, МУСТА Ц.Байдраг, МЗЭ-ийн гишүүн, яруу найрагч, МУСТА Н.Болормаа нарын хамт уран бүтээлээ “сойж”, “гал гарсан” үзүүлбэр үзүүлэн, шүүгчдээс өндөр үнэлгээ авсан юм. Тэд шоуны 1-р шатанд “Талын Монголдоо” шинэ дуугаар ая дуугаа өргөн, 2-р шатанд тохиолдлын товчлуур дарж, “Хайр” сэдвийг сонгосон байна. Уран бүтээлчдийн баг одоогоор 3 шатны давааг амжилттай давж, ирэх оны эхээр сүүлийн шалгаруулалтад өрсөлдөхөөр бэлтгэлээ хангаж байна. Баялаг бүтээгчдийн төлөөлөл болсон тэдний урлагийн зам нэг цэг дээр огтлолцож, ийнхүү гэгээлэг уран бүтээлээ түмэнд түгээж явна.
Нар минутад мандаж минутад жаргана.
Үс засуулвал: 
Суудал: 
