Жил бүрийн 11 дүгээр сарын 14-нд дэлхий нийтээр тэмдэглэдэг “Чихрийн шижин өвчинтэй тэмцэх” өдрийг угтан “Эрдэнэт” сувиллын цогцолбороос цуврал сургалт, зөвлөгөө зохион байгуулж байна. Тус сувиллын нарийн мэргэжлийн эмч нар бүтцийн нэгжүүдийн удирдлагатай хамтран ажиллаж, чихрийн шижин өвчний шинж тэмдэгтэй болох нь оношлогдсон ажилтнуудаа нэг өдөр ажлаас нь чөлөөлөн, дээрх сургалт зөвлөгөөнд хамруулж буйг цогцолборын Дотоод шүүрэл судлалын их эмч Х.Хулан ярилаа.
Чихрийн шижин өвчин хэрхэн үүсэх, тухайн өвчтөн өөрийн сахрын хэмжээг яаж хянах, хөл, нүдний хараагаа хамгаалах, арчлах, нойргүйдэл болон сэтгэл зүйгээ тогтвортой байлгах зэрэг бүхий л талаас нь дотоод шүүрэл, мэс засал, сэтгэл зүй болон хоол эмгэг зүй, хөдөлгөөн засалч эмч нар энэ сарын 14-нийг хүртэл зөвлөх юм байна.
Энэ жил дэлхий нийт “Эрсдэлээ мэдье” уриан дор тэмдэглэх учраас иргэдийн дунд чихрийн шижин өвчний эрсдэлийн үнэлгээг түлхүү хийхээр төлөвлөжээ. “Эрдэнэт” сувиллын цогцолбор “Чихрийн шижинтэй тэмцэх өдөр”-ийг жил бүр тогтмол зохион байгуулдаг бөгөөд энэ жилийн тухайд Эрдэнэт үйлдвэрийн ажилтнуудаас гадна орон нутгийн албан байгууллагуудтай хамтран бусад иргэдийг хамруулах чиглэлтэй ажиллаж байна.
Түүнчлэн, чихрийн шижингээр өвчилсөн хүнд тухайн өвчний талаарх мэдлэг мэдээлэл чухал тул сургалт сурталчилгааг тогтмол зохион байгуулж байна. “Эрдэнэт” сувиллын цогцолборын дотоод шүүрлийн кабинетын хяналтад 150 гаруй ажилтан үйлчлүүлдэг аж.
Нар минутад мандаж минутад жаргана.
Үс засуулвал: 
Суудал: 
