“Эрдэнэт үйлдвэр” ТӨҮГ-ыг түшиглэн байгуулах Үйлдвэрлэл, технологийн паркийн хүрээнд “Зэсийн баяжмал хайлуулах, боловсруулах үйлдвэр”, “Исэлдсэн хүдрийг нуруулдан уусгах технологиор боловсруулах катодын зэсийн үйлдвэр”, “Молибдены баяжмал боловсруулах үйлдвэр” зэрэг хүнд үйлдвэрүүдийг барьж байгуулахаар төлөвлөн Техник, эдийн засгийн үндэслэл боловсруулж, батлуулан ажиллаж байна.
Монгол Улсын Засгийн газрын 2022 оны 4 дүгээр сарын 27-ны өдрийн 171 дүгээр тогтоолоор Уул уурхай-металлурги-химийн үйлдвэрийн цогцолбор байгуулах зориулалтаар Орхон аймгийн Баян-Өндөр, Жаргалант сумын нутаг дэвсгэрт 1217.4 га газрыг улсын тусгай хэрэгцээнд авсан. Үйлдвэрлэл, технологийн паркийн авто зам, төмөр зам, ус хангамж, ариутгах татуурга, цахилгаан хангамж зэрэг дэд бүтцийг барьж байгуулах ажил өрнөж байна.
Өнөөдрийн байдлаар дэд бүтцийн ажлын тендер шалгаруулалт дуусаж, бүтээн байгуулалтын ажил төслийн талбайд эхлэн явж байна.
Төмөр замын ажил 55, авто замын ажил 35, үйлдвэрлэл, технологийн паркийг тойруулан хамгаалалтын хашаа барих ажил 80 гаруй хувийн гүйцэтгэлтэй байна. Харин цахилгаан хангамжийн нарийвчилсан зураг төслийг “Эрдэнэт үйлдвэр” ТӨҮГ-ын Зураг төслийн хүрээлэн 2023 онд багтаан дуусгахаар ажиллаж байна.
Мөн ус хангамж, ариутгах татуургын ажлын хувьд гүйцэтгэгч сонгон шалгаруулах тендерийн шатандаа явж байна гэж Үйлдвэрлэл, технологийн паркийн төслийн нэгжийн Гидрометаллургийн төсөл хариуцсан тэргүүлэх инженер С.Гантулга мэдээллээ.
Нар минутад мандаж минутад жаргана.
Үс засуулвал: 
Суудал: 
