Соёл урлагийн цогцолборын хамт олон өнөөдөр Өвөл цагийн үйл ажиллагаа болоод дугуйлангуудын 2023-2024 оны хичээлийн жил, “Энэ цагийн эгэл баатрууд” уурхайчдын урлагийн их наадмын нээлтийг хийж, урлагийн Янжинлхам бурханыг цэнгүүлэх үйл ажиллагааг зохион байгууллаа.
Энэ өдөр эгшиглэнт эхэд зориулан ном хурж, Эрдэнэтийн зохиолч, яруу найрагчид яруу найргийн дээжис, 2023 оны шилдэг бүтээлээрээ шүлгэн цацал өргөлөө. Урлагийн охин тэнгэр Янжинлхам бурханыг аливаа амьтан төгс төгөлдөр билиг оюуныг хайрлагч, мунхаг хийгээд үл мэдэхийн хамаг бүх хүлээснээс салган, ханьцашгүй дээд бодь гэгээрэлд хүргэхийн бэлгэдэлтэй хэмээн үздэг байна.
Эл бурханыг Соёл урлагийн цогцолборын хойморт урлан бүтээж залснаас хойш даруй 15 жил өнгөрсөн бөгөөд тэр цагаас өдгөөг хүртэл Эрдэнэт үйлдвэрийн Соёл урлагийн цогцолборын үйл ажиллагаа дэвжин дэлгэрч, Улсын болоод Олон Улсын тэмцээн уралдаанаас олонтаа шагнал хүртсэнийг оролцогчид энэ өдөр онцолж байлаа.
Нар минутад мандаж минутад жаргана.
Үс засуулвал: 
Суудал: 
