Эрдэнэт үйлдвэрийн Байгаль орчин, ногоон хөгжлийн хэлтэс, Ногоон хөгжлийн төслийн нэгж хамтран намрын мод тариалалтыг зохион байгуулж байна. Уурхайчдын энэ намрын мод тариалалт Хангал гол дагуух бургасны талбайгаас эхэлж, өнөөдөр 500 ширхэг улиас, 2092 ширхэг бургас энд тарилаа. Мөн бутлаг ургамал болох 2220 ширхэг харганыг арав араваар нь бүлэглэн суулгав.
Намрын эхний мод тарих ажилд үйлдвэрийн 32 цех, бүтцийн нэгжийн 700 гаруй ажилтан оролцсон бөгөөд Хангал гол дагуух талбайд улиас болон харганаар хамгаалалтын зурвас байгуулах, Хангал голын бойжуулалтын талбайгаас шилжүүлэн бургасан плантаци байгуулах зэрэг ажлыг гүйцэтгэлээ.
Бүх нийтээр мод тарих өдрийн зорилго нь хүн бүхэн эх орон, байгаль дэлхийгээ хайрлах, уламжлалт монгол заншлаа дээдлэх, байгалиа нөхөн сэргээх, хамгаалахад гар бие оролцох нөхцлийг бүрдүүлэх, ойн сан, ногоон байгууламжийг нэмэгдүүлэх чиглэлээр хэрэгжүүлж байгаа олон талт ажлуудыг эрчимжүүлж, улмаар үндэсний хөдөлгөөн болгон өрнүүлэхэд оршдог. Эрдэнэт үйлдвэрийн уурхайчид энэхүү зорилгод нэгдэж, байгаль орчны нөхөн сэргээлт, “Тэрбум мод” үндэсний хөдөлгөөнд манлайлан ажиллаж буйгийн тод илрэл нь хавар, намрын мод тариалалтын ажил юм.
Намрын мод тариалалт ирэх лхагва, пүрэв гаригт Баян-Өндөр уулын энгэр, ногоон төгөлд үргэлжлэх аж.
Нар минутад мандаж минутад жаргана.
Үс засуулвал: 
Суудал: 
