“Эрдэнэт медикал” эмнэлгээс санаачлан, жирэмсэн ээжүүд, эмэгтэйчүүдэд зориулсан “Амьдралын алтан мянган хоног” сургалтыг зохион байгууллаа. Энэ удаагийн сургалт нь хүүхэд эхийнхээ гэдсэнд бүрэлдэж бий болсноос хойш төрсний дараах 2 нас хүртэлх мянган өдрийн туршид хэрхэн хөгждөг талаар үнэ цэнтэй мэдээллийг хуваалцсан юм. “Эрдэнэт медикал” эмнэлгийн хүүхэд, харшлын эмч, анагаах ухааны магистр Ц.Энхтуяа сургалтыг нээж хэлсэн үгэндээ, “Алтан мянган хоног” нэр томъёог хүний амьдралд “алт” шиг үнэлэгдэх онцгой цаг хугацаа хэмээн тодотгосон билээ. Хүүхэд бие махбодын болоод сэтгэцийн хөгжлийн хувьд маш үсрэнгүй хөгждөг энэ цаг хугацааг оновчтой ашиглаж чадвал эцэг эхчүүдийн хүлээлтээс давсан, оюуны өндөр чадамжтай хүүхэд бий болдгийг тэрээр тайлбарласан. Байшингийн суурь зөв тавигдахад чанартай барилга болдгийн адил хүүхдэдээ мянган өдөр анхаарал хандуулахад хүссэн үр дүнг гаргах боломжтой юм.
Тус эмнэлгийн хамт олон дээрх сургалтыг төсөл хэлбэрээр хэрэгжүүлэх, ингэхдээ Эрдэнэт үйлдвэрийн бүтцийн нэгжүүдэд ажиллаж байгаа бие давхар болон жирэмсний чөлөөтэй ээжүүдэд сургалт явуулахаар төлөвлөж байна. Халдварт бус өвчний тоо жилээс жилд өсч байгаа эрсдлийг бууруулахад жирэмсэн ээжүүдийн оролцоо их болохыг эмч нар энэ үеэр хэлж байлаа. Мөн хүүхдээ төрсний дараа уургийн илүүдэлд өртүүлэхгүйн тул 0-6 сар хүртэл нь хөхөөр хооллох ёстойг эмч нар зөвлөсөн. Харин нэмэлт сүү, сүүн бүтээгдэхүүн нь уургийн илүүдэл үүсгэх, улмаар цусан дахь далд сахар бий болох эхлэлийг тавьдаг байна.
Нар минутад мандаж минутад жаргана.
Үс засуулвал: 
Суудал: 
