Олон улсын ахмадын баяр болон Дэлхийн чанарын өдрийг тохиолдуулан Эрдэнэт үйлдвэрийн Чанарын хяналтын хэлтсийн хамт олон анхдагч ахмадууддаа хүндэтгэл үзүүлэв. Энэ ажлын хүрээнд ахмадуудаа үйлдвэрийн хэсэг нэгж болон хэлтсийнхээ ажлын байруудтай танилцуулсан юм. Тус хэлтсийн ахмадууд өөрсдийн ажлыг үргэлжлүүлэн гүйцэтгэж яваа залуучуудтай уулзаж санал бодлоо солилцлоо.
“Манай хэлтэс 149 хүний орон тоотой ажилладаг. Өнөөдөр нийт 78 ахмадын төлөөлөл, найман нэгжийн ажлын байртай танилцлаа. Энэ ажлын байруудад техник технологийн шинэчлэлийн ажил төлөвлөгөөний дагуу явагдаж байна. Үүнийг ахмадууддаа үзүүлж, хийсэн ажлаа тайлагнах зорилготой энэ үйл ажиллагааг зохион байгуулж байна.” гэж Хүний нөөцийн мэргэжилтэн Д.Бумгэрэл тодотгов.
Энэ үеэр ахмад ажилтан Н.Хандсүрэнгийн сэтгэгдлийг сонсоход” Энэ арга хэмжээг Эрдэнэт үйлдвэрийн 45 жилийн ойг угтан хоёр дахь жилдээ манай хэлтэс зохион байгуулсанд баяртай байна. Мөн хэлтсийн ахмадуудаа эрүүл агаарт гаргаж өдөрлөг зохион байгуулах тухай сонслоо. Үйлдвэрийнхээ үүдээр ороод ирэхэд үнэр нь нэг л дотно сайхан байна. Их хөдөлмөр өрнөсөн энэ үйлдвэрт, манай хэлтэст сайжруулсан ажил их харагдаж байна. Би энэ үйлдвэрт 41 жил ажилласан. Химийн төв лаборатори миний анхны ажлын байр. Тус лаборатори анх Эрдэнэт үйлдвэрийн захиргааны нэгдүгээр байрны зүүн хойд жигүүрт 70 гаруй хүний бүрэлдэхүүнтэй үйл ажиллагаа явуулдаг байлаа. Үүний 10-аад нь монгол,бусад нь ОХУ-ын мэргэжилтнүүд ажиллаж байсан. Энэ сайхан түүхээ эргэн дурсахад таатай байна” гэв.
Нар минутад мандаж минутад жаргана.
Үс засуулвал: 
Суудал: 
