Соёл спортын “Эрдэнэт” цогцолбор 12-р сарын 1-нд ашиглалтад орно

“Эрдэнэт үйлдвэр” ТӨҮГ-ын хөрөнгө оруулалтаар баригдаж буй Соёл спортын “Эрдэнэт” цогцолборын барилгын ажлыг Барилга засварын цехийн хамт олон энэ оны 12-р сарын 1-нд хүлээлгэн өгөхөөр ажиллаж байна. Одоогийн байдлаар  гадна, дотор засал хийж байна. Үүнд, таазны ажлын явц 57, ханын өнгөлгөө засал 78, шал, шат 72, хаалга цонх 46, шугам хоолойн угсралт 46, гадна засал 58 хувьтай явна. 9-р сарын 14-нд материал ханган нийлүүлэх нэг багц, 1,8 тэрбум төгрөгийн тендер нээгдэх аж.  Материал  нийлүүлвэл барилгын ажлыг хугацаанд нь дуусгах бүрэн боломжтой гэж ажил хариуцсан инженер ярилаа. Энэхүү барилга байгууламжийн  ажлын хэсэг өдөр бүрийн 09:00 болон 16:30 цагт  хуралдаж,  тухайн өдөр гүйцэтгэх ажлын төлөвлөгөө гаргаж, хэрэгжүүлэн ажиллаж байна. Мөн тулгамдаж буй асуудлуудыг цаг тухай бүрт нь захиалагч, зохиогчтой зөвшилцөн  шийдвэрлэж байна.
“Эрдэнэт” цогцолборын барилга нь үзвэрийн танхим, үзэсгэлэнгийн өрөө болон, албан тасалгаа, ресторан, буудал, ариун цэврийн өрөөнөөс бүрдэх бөгөөд 2000 хүний суудалтай, дөрвөн давхар барилга болон сүндэрлэх юм.