“Эрдэнэт үйлдвэрийн Ус хангамжийн цехийн захиргаа, ХАБЭА-н товчоо болон Залуучуудын холбоотойгоо хамтран намрын мод тариалалтаа энэ сарын 29-нд зохион байгуулахаар бэлтгэж байна. Энэ удаа тус цехийнхэн эргэлтийн ус хангамжийн хэсгийн ногоон төгөлд 60 ширхэг монос болон голт бор нэмж тарихаар төлөвлөжээ. Залуу ажилтнуудад байгаль эхээ дээдлэх үзлийг түгээн дэлгэрүүлэх, ногоон байгууламжийг нэмэгдүүлж, мод тарьж ургуулах, арчлан хамгаалах ач холбогдлыг таниулахад энэ ажлаа чиглүүлдэг хэмээн зохион байгуулагчид онцлов. Намрын мод тариалалтад цехийн 20 гаруй залуучууд оролцох аж.
Өнгөрсөн онд энэ хэсэгт хайлаас, нарс, монос зэрэг олон төрлийн 100 гаруй ширхэг мод тарьж, цэцгийн мандал бүхий ногоон төгөл байгуулан тохижуулсан байна. Мөн Эргэлтийн ус хангамжийн хэсгийнхэн өөрсдийн дотоод нөөц бололцоогоо ашиглан энэхүү ногоон төгөлд усалгааны систем суурилуулжээ. Тус цехийн ногоон байгууламж нэмэгдүүлэх зорилтын хүрээнд тохижуулж буй ногоон төгөл нь нийт 2.5 га талбайг эзэлдэг юм.
Нар 06:53 минутад мандаж 18:29 минутад жаргана.
Үс засуулвал: Сайн нөхөртэй нөхөрлөнө
Суудал: Мод
