Одоогоос гурван жилийн өмнө “Эрдэнэт үйлдвэр” ТӨҮГ “Хүний нөөцийн менежментийн тогтолцоо ISO 30400” Олон улсын багц стандарт хэрэгжүүлэх зорилт тавин ажилласны үр дүнд өнгөрсөн жилийн өдийд олон улсын аудиторуудын өмнө хүний нөөцийн стандартын баталгаажуулалтын анхны шалгалтаа амжилттай хамгаалж, олон улсын гэрчилгээ авсан юм. Харин энэ удаа стандартын журмын дагуу магадлан аудитад орж, амжилтаа ахиулсан байна.
Өөрөөр хэлбэл “Эрдэнэт үйлдвэр” ТӨҮГ “Хүний нөөцийн менежментийн тогтолцоо ISO 30400” багц стандартын хэрэгжилтийг баталгаажуулсан олон улсын гэрчилгээ авсанаас хойш бүтэн жилийн хугацаанд сайжруулалтын үйл ажиллагааг тасралтгүй хийсний үр дүнд магадлан нэг аудитаар өнгөрсөн оны амжилтаа ахиулж, 77 оноотой, 26 давуу талтай үнэлэгджээ.
Эрдэнэт үйлдвэр багц стандартын хүрээнд зургаан стандарт зэрэг хэрэгжүүлж байгаа бөгөөд менежментийн нэгдсэн тогтолцооны шалгуур үзүүлэлтээр хэрэгжүүлж, бусад стандарттай интеграцчлах боломж бүрдүүлсэн нь онцлог байлаа гэж Хүний нөөц, захиргааны хэлтсийн дарга О.Отгонбаяр тодотгоод, “Хүний нөөцийн олон улсын багц стандарт хэрэгжүүлэх сайжруулалтын ажилд хамтарсан нийт уурхайчид, бүтцийн нэгжийн удирдлагууд, Эрдэнэт үйлдвэрийн баг хамт олондоо талархал илэрхийлье” гэв.
“Эрдэнэт үйлдвэр” ТӨҮГ “Хүний нөөцийн менежментийн тогтолцоо ISO 30400” Олон улсын багц стандарт хэрэгжүүлэхээс гадна мэргэжилтнүүдээ чадавхжуулахад анхаарч ажилласнаар уг стандартын аудит хийх эрх бүхий 26 аудитор, олон улсын түвшинд аудит хийх эрхтэй тэргүүлэх хоёр аудитор бэлтгээд байна.
Сүүлийн гурван жилийн хугацаанд “Хүний нөөцийн менежментийн тогтолцоо ISO 30400” олон улсын багц стандартыг хэрэгжүүлэхийн төлөө уурхайчин хамт олны гүйцэтгэсэн ажилд олон улсын аудиторууд ийнхүү өндөр үнэлгээ өглөө.
Нар минутад мандаж минутад жаргана.
Үс засуулвал: 
Суудал: 
