Эрдэнэт үйлдвэрийн Ерөнхий захирлын 2022 оны 08 дугаар сарын 31-ний өдрийн тушаалаар чанарын менежментийн тогтолцооны хамрах хүрээг өргөтгөн, үйлдвэрийн 44 бүтцийн нэгжийн үйл ажиллагааг хамруулан чанарын менежментийн тогтолцооны ISO 9001:2015 стандарт нэвтрүүлэх төслийг амжилттай хэрэгжүүлж байна. Энэ ажлын явцыг дүгнэн, Стандарт, хэмжил зүйн газраас өнгөрсөн 8 дугаар сарын 2-4-ний өдрүүдэд баталгаажуулалтын аудитад хамруулж, “Эрдэнэт үйлдвэр” ТӨҮГ-ын үйл ажиллагаанд ISO 9001:2015 стандарт нэвтрүүлсэн гэрчилгээг 3 жилийн хугацаагаар олгохоор шийдвэрлэжээ.
Монгол Улсын Засгийн газрын 146 дугаар тогтоолын хүрээнд Эрдэнэт үйлдвэрийн Ил уурхай, Баяжуулах үйлдвэр, Засвар механикийн завод, Авто тээврийн цех, Чанарын хяналтын хэлтсийн үйл ажиллагаанд олон улсын Чанарын менежментийн тогтолцооны ISO 9001:2015 стандартыг 2004 оноос хэрэгжүүлж байна. Энэ хугацаанд Стандарт, хэмжил зүйн газраас нийт зургаан удаагийн давтан үнэлгээ хийснээр Эрдэнэт үйлдвэр 2024 оны 6 дугаар сар хүртэл ISO 9001:2015 стандартын гэрчилгээг эзэмшиж байсан юм.
Эрдэнэт үйлдвэрт одоогийн байдлаар менежментийн тогтолцооны ISO 9001:2015 Чанарын менежментийн тогтолцоо, ISO 45001:2018 Хөдөлмөрийн эрүүл мэнд, аюулгүй байдлын менежментийн тогтолцоо, ISO 30400 Хүний нөөцийн менежментийн тогтолцооны багц стандартууд хэрэгжиж байна.
Эрдэнэт үйлдвэр, Чанарын менежментийн тогтолцооны баталгаажуулалтын аудитад хамрагдаж, ISO 9001:2015 стандартын гэрчилгээг гурван жил эзэмшихээр боллоо
-
М.Балжинням
- Мэдээ мэдээлэл
- 12/09/2023
- 4522
- 0
Б.Баттөгс
Зурагчин
Энэ мэдээ танд ямар санагдав?
1
0
0
2
0
М.Балжинням
None
Сэтгэгдэл үлдээх
Нар минутад мандаж минутад жаргана.
Үс засуулвал: 
Суудал: Өнөөгийн Эрдэнэт Сонин
Ярилцлага
