Эрдэнэт үйлдвэрт “Хүний нөөцийн менежментийн тогтолцоо ISO 30400” Олон Улсын багц стандартын хэрэгжилт үр дүнгийн магадлан аудит энэ сарын 07-ны өдрөөс эхэлсэн бөгөөд газар дээрх магадлан аудитыг өнөөдөр Баяжуулах үйлдвэрээс эхэллээ.
Дэлхийд Хүний нөөцийн стандартын баталгаажуулалт хийдэг “Францын Афнор компанийн итгэмжилсэн төлөөллийн баг Баяжуулах үйлдвэр болон Авто тээврийн цехийн нэгж хэсгийн ажлын гүйцэтгэлтэй танилцан магадлан аудит хийж байна. Магадлан аудитын ажлын баг Эрдэнэт үйлдвэрийн үйл ажиллагаанд нэвтрүүлж буй Хүний нөөцийн менежментийн тогтолцоо ISO 30400 олон улсын багц стандартын хэрэгжилт, дотоод аудитын үр дүнтэй танилцаж ажиллагсдын санал бодлыг сонсох юм.
Хүний нөөц,захиргааны хэлтсийн албаны дарга Б.Одгарьд:” Манай үйлдвэрийн хэмжээнд Хүний нөөцийн магадлан аудит хийх ажил амжилттай үргэлжилж байна. Өмнөх өдрүүдэд аудитын баг баримт бичгүүдтэй танилцах,ажлын гүйцэтгэлийн үр дүнг нягтлан шалгаж ажиллалаа. Одоо аудитын баг гурван өдөр үйлдвэрийн бүтцийн нэгжийн үйл ажиллагаатай танилцана. Өнөөдөр Баяжуулах үйлдвэр, Авто тээврийн болон Ус хангамжийн цех, СААЖЦ-ын үйл ажиллагаатай газар дээр нь танилцан өмнө нь хийсэн аудитын үр дүнг магадлан харьцуулалт хийж ажиллана” гэв.
Нар 06:53 минутад мандаж 18:29 минутад жаргана.
Үс засуулвал: Сайн нөхөртэй нөхөрлөнө
Суудал: Мод
