Эрдэнэт үйлдвэрт “Хүний нөөцийн менежментийн тогтолцоо ISO 30400” Олон улсын багц стандартын хэрэгжилт, үр дүнд магадлан аудит хийх хурал өнөөдөр боллоо. Хуралд үйлдвэрийн бүтцийн нэгжийн удирдлагууд болон хүний нөөцийн мэргэжилтнүүд оролцов. Энэхүү хуралдаанаар үйлдвэрийн газрын үйл ажиллагаанд нэвтрүүлж буй “Хүний нөөцийн менежментийн тогтолцоо ISO 30400” олон улсын багц стандартын хэрэгжилт, дотоод аудитын тайлан, гарсан өөрчлөлт сайжруулалтыг танилцуулсан юм.
Энэ үеэр “Монсертф” группийн Тэргүүлэх аудитор Ю.Наранцацралт хэлэхдээ: “Францын Афнор компани дэлхийд Хүний нөөцийн стандартын баталгаажуулалт хийдэг. Олон улсад итгэмжлэгдсэн энэ компани Эрдэнэт үйлдвэрт магадлан аудит хийнэ. Эрдэнэт үйлдвэр 2021 оноос хүний нөөцийн стандарт нэвтрүүлсэн. Өнгөрсөн жил Хүний нөөцийн ISO 30400 Олон улсын стандартын анхдагч аудит хийгдсэн. Тус үйлдвэр Олон улсын ISO 30400 багц стандарт хэрэгжүүлснээр НҮБ-аас баталсан тогтвортой хөгжлийн есөн зорилтыг бүрэн хангасан. Одоо магадлан аудит хийгдэхээр нээлтийн хурлаа хийгээд байна. Энэ удаа хүний нөөцийн чиглэлээр магадлан аудит 5 өдөр онлайнаар болон газар дээр нь хийх болсон нь онцлог юм. Онлайнаар хийгдэх хурлыг Франц улсын “Афнор” группийн Олон улсын аудитор Андрей Оленков удирдана. Харин газар дээр нь миний бие удирдаад явуулах болно. Нийт таван аудитор томилогдон ажиллаж байна. Өнгөрсөн жил Эрдэнэт үйлдвэрт нэвтрүүлсэн Хүний нөөцийн ISO 30400 Олон улсын стандартын үзүүлэлт маш өндөр оноо авсан.Тохирлоор 62 гэдэг үзүүлэлт бол хамгийн боломжтой оноо байдаг. Тэгвэл Эрдэнэт үйлдвэр 70 оноо авсан. Энэ нь маш өндөр оноо. Магадлан аудит дээр энэ үзүүлэлтүүдээ сайжруулж бататгасан байгууллагын сайн туршлага байгаа гэдэгт итгэлтэй байна” гэв.
Нар минутад мандаж минутад жаргана.
Үс засуулвал: 
Суудал: 
